---

42v

§Ores verrons matiere diſpoſee Et marche fait / ſi bien y barguignons, Que Gondebault le roy des Bourguignons Rendra Clotilde a Clouis eſpouſee.

§ Chapitre. xii^e .

[1875]A Chief de piece /Ainſi comme il aduient Que a vau le vent bꝛuyt, vole, va et vient, En pluſieurs lieux courut la renommee

---

43r

Louenge des vertus et meurs de Clotilde. Dune pucelle icy deſſus nommee. Clotilde a nom / Les gꝛandz dons de vertus [1880]Quelle contient / ne ſe pourront veoir teus. Ceſt celle ayant des dames les merites Quen poeſie on appelle karites : Ie tays leurs noms doubtant pꝛolixite, Auſſi neſt ia icy neceſſite [1885]De les nommer /. Ces dames ſont troys gꝛaces Dhumains honneurs foꝛt pleines et moult gꝛaſſes. La pꝛemiere eſt / celle qui par doulx trait Toute perſonne a bienuueillance attrait. La ſeconde eſt bonte ſi accomplie [1890]Que lamytie des amys multiplie. La tierce auſſi ſur les deux autres tient Amour conioincte / et touſiours lentretient. Ainſi voit on Clotilde eſtre fournie De toute honneſte / et doulce compaignie. [1895]Elle a beaulte /Sens / pꝛudence / et ſcauoir Et ſur les biens que au monde puiſſe auoir, Du ſainct bapteſme elle a le caractere. Ses gꝛandz bontez ne poꝛtent care a taire Pour les debuoir mectre en dilation. [1900] Doncq , delle ouye ample relation, Le roy enuoye a la ſaige et diſcrette Ieune pucelle ambaſſade ſecrette

---

43v

Aurelian en habit de poure eſt deuant Clotilde A ſcauoir mon. ſi elle aura plaiſir Que a ſon eſpouſe il la vueille choyſir. [1905]Pour ce tranſmect au pays de Bourgongne, Affin de faire entamer la beſongne, Aurelian, lun de ſes chambellans, Et autres bons pꝛeudhommes et vaillans. Si ne veult pas que y aillent les mains vagues, [1910]Mais les fournyt daneaulx et riches bagues Pour les donner a celle et pꝛeſenter Dont veult le cueur / au ſien de pꝛes enter. Tant et ſi bien leurs cheuaulx eſpꝛouuerent Que au pꝛopꝛe lieu ou eſtoit ſe trouuerent. [1915]Et toſt apꝛes quilz furent arriuez, Aurelian / ſes compaignons pꝛiuez Habandonna, par ung iour de dimanche, Non pour monſtrer que ait le cueur en la manche, Mais, caultement ſon rolle eſtudiant, [1920]La robe pꝛend dun poure mendiant Et , actendant a la poꝛte du temple, Penſe / regarde / et ſaigement contemple Dame Clotilde aulmoſnes departir. Et quant il voit que a luy va impartir [1925]Comme a ung autre /.A lheure eſt il bien ayſe Et ſa main blanche en reuerence bayſe. Baiſſant les yeulx tres amyablement,

---

44r

Aurelian habille en poure parle a Clotilde ſecretement. La remercie et ſalue humblement, Dont deuint toute eſbahie et douteuſe, [1930]Comme doibt eſtre une fille honteuſe. Mais bien voulut du poure ſenquerir Et lenuoya en ſa chambꝛe querir. Luy arriue / et la raiſon enquiſe Pour quoy ainſi baiſer ſa main a quiſe, [1935]Il luy reſpond /.Dame. le roy Clouis, ( A qui ie ſuys). Par bon et meur aduis, Menuoye a vous / non point par deffiance, Mais en eſpoir que a luy ie vous fiance. Et quil ſoit vray /. Ces aneaulx pꝛecieux [1940]Vous offre en don courtoys et gꝛacieux. Pour voz vertus / beaulte / et fleurie eaige , Il les vous donne en nom de mariaige. Pource, madame / aduiſez ſil vous plaiſt De recepuoir le pꝛeſent tel quil eſt. [1945]Iay fait ce tour / affin que par cautelle Parlaſſe a vous /. Adoncq reſpondit elle : Helas, amy. dont peult venir cecy Que ung roy ſi gꝛand et puiſſant ayt ſoucy De pꝛendꝛe a femme une fille captifue [1950]Telle que ſuys, oꝛpheline et cheſtifue ? Quel bien /. quel heur / quel treſoꝛ / ou auoir Penſe Clouys acquerir pour mauoir ?

---

44v

La reſponſe de Clotilde a Aurelian. Iay peu de biens /. Ie nay pere ne mere, Ie nay pouoir non plus que une chimere, [1955]Mon dolent cueur eſt en oſtaige mys, Deſtitue et dauoir et damys. Ma liberte eſt liee en ſeruaige Ne plus ne moins que une beſte ſauuaige Eſt detenue en liens et en fers [1960]Ou dampnee ame aux abiſmes enfers. Captiuite tiens ie ma parſonniere, Auecques elle Icy ſuys pꝛiſonniere. Et dautre part, Amy /. Le ſainct Eſpꝛit Mys au papier de la loy Ieſus Criſt [1965]Ne permect pas que fille creſtienne Ayt aliance a la ſecte payenne. Ce ſont raiſons / dont deuſſe doubter foꝛt Et de reffus mayder en tout effoꝛt. Mais touteſuoys iay parfaicte eſperance [1970]Au doulx Ieſus / que Clouys, roy de France, En ma faueur ſi bien aduertira Que a laduenir il ſe conuertira. Pource, en pꝛenant les pꝛeſens quil me donne, A ſon vouloir maccoꝛde et habandonne. [1975]§Ces motz ouyz / ſans plus auoir ſonge, Aurelian pꝛint de celle conge, Quil ne trouua eſtrange ne rebelle.

---

45r

Clouis renuoye querir Clotide pour leſpouſer. Guay |ſe partit et la charge moult belle Luy et ſes gens arriuerent a poꝛt [1980]Dheureux ſalut /. et gꝛacieux rappoꝛt. Le roy, ioyeux / quant il voit et ſcet quelle A dit le mot / renuoye une ſequelle Dambaſſadeurs /. ou il veult de rechief Aurelian eſtre ducteur et chef. [1985]A Gondebault, roy de Bourgongne, mande Que ſa niepce auoir vers luy demande, Pour leſpouſer / ſelon les compꝛomys Que luy et elle enſemble lont pꝛomys. Et ſe actend bien / quoy quil en die ou gꝛongne, [1990]Par ce, iouyꝛ du pays de Bourgongne, Car bien congnoiſt que faulſement le tient Et que par dꝛoit il ne luy appartient. Inſtructions / et charges entendues, Les oꝛateurs aux choſes pꝛetendues [1995]Faiſans debuoir enuers ce Gondebault, Rebelle / fier / et oꝛgueilleux ribauld, Aurelian poꝛte parolle apperte Et dit quil fault (ſoit a gaigne ou a perte) Que ayent Clotilde /. Autre allegation [2000]Ne luy pꝛopoſe en ſa legation. Non eſiouy Gondebault de ces nopces, Doubtant auoir ſur ce males endoſſes

---

45v

Clotilde emmenee en France vers le roy Clouys჻ Euſt bien voulu a ce point reſiſter, Mais il noſa au contraire inſiſter, [2005]Car les eſtatz du pays de Bourgongne Diſrent / que a luy et eulx ſeroit vergongne A la pucelle empeſcher ſon bon heur, Veu que le roy leur fait ſi gꝛand honneur. Et oultre plus maintiennent / que a luy eſt ce, [2010]Ou eſtre doibt, plaiſir veoir ſa niepce Royne de France /. A lheure, tout confus, Se y accoꝛda / et nen fiſt plus reffus. Mais honneur mys / et nobleſſe a contre ungle Se monſtra faulx et deſnature oncle, [2015]Car ſans offrir a elle ung ſeul denier, Tous ſes ioyaux luy voulut denier. Et tout ainſi (qui fut choſe mauſſade, La deliura au chef de lambaſſade. Si nen fiſt elle aucun ſemblant / de moins [2020]Luy ſcauoir gꝛe / pour ſoꝛtir de ſes mains, Mais au partir tint bien en ſa penſee Se veoir ung iour de tout reſcompenſee. §Elle ſen va /. et il eſt demoure ; Elle a honneur /. Il eſt deſhonnoꝛe ; [2025]Elle eſt bien ſaige /.Il eſt plein de folye ; Elle a plaiſir /.Et luy melencolye. Oꝛ , comme elle eſt ſon chemin exploictant

---

46r

Clotilde au partir fait piller par le pays de Bourgongne. Par le pays, luy poyſe et deſplaiſt tant Son oncle veoir en triumphe pꝛoſpere [2030]Sur le royaulme vſurpe de ſon pere Dont, quant ſe voit hoꝛs Bourgongne, a peu pꝛes, Diſt aux Francoys ainſi par motz expꝛes : Enfans / pꝛenez / et deſpouillez la pꝛoye De ces lieux cy /. Car ie les vous octroye. [2035]Quant aurez pꝛis meubles / potz / et plateaux, Mectez le feu en villes et chaſteaux. Cela ſera vray teſmongnaige et ſigne Du mal futur / que vengence y aſſigne. A ſon dict neut longue diſcution [2040]Mais toſt fut mys a execution . La cauſe vint de rigueur langoureuſe , Conficte en pleur / et langueur rigoꝛeuſe, Qui le ſien cueur afflige / ronge et moꝛd En piteux plaingtz et regꝛetz ſur la moꝛt [2045]Cruelle / eſtrange / angoiſſeuſe et amere, Dont celluy oncle auoit ſes pere et mere Fait faulſement finir et terminer Par lenraigee amour de dominer. Neſt ce douleur / quant vent de conuoytiſe [2050]Lardant bꝛazier dambition attiſe, Iuſques a veoir au frere executer Le coup de moꝛt / et tant perſecuter

---

46v

Nouuelles a Clouys de la venue de ſamye Clotilde. Son pꝛopꝛe ſang / pour choſe tempoꝛelle ? Ceſt gꝛand exces doffenſer tant pour elle. [2055]Oꝛ va ung poſte a Soiſſons pꝛomptement Faire ſcauoir au roy Clouys comment Dame Clotilde, auecques la bꝛigade, Eſt arriuee en certaine bourgade Aſſez pꝛouchaine /. Et de cela ioyeux, [2060]Comme celluy qui ne demandoit mieulx, Incontinent ceſte nouuelle ſceue, A commande / pour la veoir bien receue, Que de ſes gens ny euſt homme viuant Qui ne feuſt pꝛeſt pour aller au deuant. [2065]§Icy pourroye aſſez faire longs contes Sur lappareil des pꝛinces / ducz / et comtes Et comme tous ſe firent acouſtrer Gaillardement / pour la dame encontrer ; Auſſi comment pluſieurs des gentilz hommes, [2070]Sur les papiers, chargerent gꝛoſſes ſommes Pour trencher ſoye / et dꝛap doꝛ chicqueter, Affin de faire enuieux caqueter, Cuyder tenir le conte des appꝛeſtes Et comme toſt les dames furent pꝛeſtes, [2075]Mectre en auant tourectz / et cache nez, Leurs goꝛgerins de carcans encheſnez, Comme on les veit auſſi deliberees

---

47r

La ioye que chūn a pour la venue de Clotilde en france. Et de nouueaulx paremens fallerees, Le dire au long pourroit gentz exciter [2080]A faſcherie /. Auſſi de reciter Par le menu / comment ſe pꝛeparerent Ceulx de Soiſſons /. et dhabitz ſe parerent Les plus ioliz des leurs /Cela ſeroit Moult ennuyeux /. Et trop ſe laſſeroit [2085]La main deſcripꝛe /. et le liſeur de lire Qui de telz cas empꝛendꝛoit tout eſlire. Ie laiſſeray les goꝛgiaſetez, Bobans / honneurs / eſbatz / ioyeuſetez, Tout plein de ieuz / gꝛacieuſes harengues [2090]Par gens de lectre / et de diſertes langues. Ie laiſſe auſſi / a dire lentretien, Le poꝛt / lhonneur / la beaulte / le maintien, La gꝛauite / le regard / loꝛdonnance, Facunde / gꝛace / et doulce contenance [2095]De Clotildis /. ou le roy a poſe Lœil et le cueur /. Tout ce pꝛeſuppoſe, On peult penſer a ceſte bien venue Eſtre a pluſieurs gꝛande ioye aduenue. Le peuple dit /. Oꝛ eſt venu le temps [2100]Que nous viurons ioyeux et bien contentz. Legliſe a part fait feſte ſollempnelle, Eſpere en Dieu / et ſe conſole en elle.

---

47v

Lappareil de Clouys pour recepuoir ſamye Clotilde. Nobleſſe entend ſa puiſſance aſſeruir A bien aymer / et loyaulment ſeruir. [2105]Et nont tous troys choſes ſi cheres / que offres Ne facent loꝛs des treſoꝛs de leurs coffres. §Le roy / ung iour / ayant tel appareil, Cueur deſireux / et penſement pareil Que homme amoureux / qui gayement ſappareille, [2110]Pour ſe allier auecques ſa pareille, Delibera les nopces celebꝛer, Deſquelles neſt bien poſſible nombꝛer Les gꝛandz amaſtz de viandes requiſes, Vins delicatz / tant de choſes exquiſes, [2115]Acouſtremens deuiſez par art gent, Dꝛaps doꝛ friſez / foꝛce toilles dargent, Pꝛinces / ſeigneurs / toute la gentilleſſe En eſtat plein de pompeuſe nobleſſe, Archiers de coꝛps / paiges /Ieunes enfans [2120]Dune liuree en habitz triumphans, Diray ie mieulx /. dames et damoyſelles De cueur ſi gay que faulcon, de moys , aelles Ne miſt au vent pour pꝛandꝛe dun vol laer , Comme leurs yeulx ſceurent du bas voller. [2125]Dieu ſcet les ſaultz / dances / bꝛanſles / moꝛiſques, Les nouueaultez / goꝛgiaſes / et friſques, Inuentions de paſſe temps / eſbatz,

---

48r

Nopces et feſte de Clouis et de la belle Clotilde creſtienne. Iouxtes / tournoys / courſes / et beaulx combatz, Sons dinſtrumens / oꝛgues / harpes / doulcines, [2130]Fluſtes / haultz boys / trompettes / coꝛs / bucines, Pſalterions / cymbales / et tabours, Les feuz de ioye en la ville et faulxbourgz. Mais a parler de la doulce pucelle, Ieune eſpouſee /.A lheure ce fut celle [2135]A qui lhabit royal ſi bien duyſoit Que par deſſus mainte autre reluyſoit, Et tout ainſi que loꝛdꝛe couſtumiere Du cler Phebus / ſur iour donnant lumiere, Garde apparoir eſtelle au firmament, [2140]Elle rendit /Ie le croy fermement, Luſtre auſſi gꝛand ſur toutes beaultez telles, Comme Auroꝛa deuant autres eſtelles. Durant huyt iours /.Les plantureux conuiz A tous venans parfaictz et aſſouuiz, [2145]Chaſcun diſoit / que au pays ne fut faicte, En iour de vie, une ſi belle feſte Et furent tant gꝛandz et petitz contentz, Que la memoyꝛe en demoura long temps. §Voyant Clouis la pꝛudence louable , [2150]Gꝛace / beaulte / et doulceur amyable De ſon eſpouſe /. augmenta lamytie Que a elle auoit chaſcun iour de moytie.

---

48v

Clotilde admōneſte Clouys deſtre creſtien჻ Souuenteffoys, luy ſeul auecques elle, Par gꝛand deſir, ialouſie / et bon zelle, [2155]Croyꝛe a ung Dieu aſſez lamonneſtoit, Mais ſon vouloir encoꝛ lamont neſtoit. Elle, fondee en la ſaincte doctrine De Ieſus Criſt /. du fons de ſa poictrine Gecte ſouſpirs / et exclamations. [2160]Mais neantmoins / telles ſommations, Enhoꝛtemens / et doulces parabolles, Il croyt touſiours a ſes faulſes ydolles Et ne luy ſcet nouuelles annuncer Par quoy il vueille a ſa loy renuncer. [2165]Ainſi, par folle et vaine deceuance Inueteree en la vieille obſeruance, Pꝛopoſe et mect ſes contradictions, Diſant quil ſuyt Loix et tradictions Des anciens /. et ne quiert ia pꝛetendꝛe [2170] A autre loy iour de ſa vie entendꝛe.

---

42v

§Ores verrons matiere diſpoſee Et marche fait / ſi bien y barguignons, Que Gondebault le roy des Bourguignons Rendra Clotilde a Clouis eſpouſee.

§ Chapitre. xii^e .

[1875]A Chief de piece /Ainſi comme il aduient Que a vau le vent bꝛuyt, vole, va et vient, En pluſieurs lieux courut la renommee

---

43r

Louenge des vertus et meurs de Clotilde. Dune pucelle icy deſſus nommee. Clotilde a nom / Les gꝛandz dons de vertus [1880]Quelle contient / ne ſe pourront veoir teus. Ceſt celle ayant des dames les merites Quen poeſie on appelle karites : Ie tays leurs noms doubtant pꝛolixite, Auſſi neſt ia icy neceſſite [1885]De les nommer /. Ces dames ſont troys gꝛaces Dhumains honneurs foꝛt pleines et moult gꝛaſſes. La pꝛemiere eſt / celle qui par doulx trait Toute perſonne a bienuueillance attrait. La ſeconde eſt bonte ſi accomplie [1890]Que lamytie des amys multiplie. La tierce auſſi ſur les deux autres tient Amour conioincte / et touſiours lentretient. Ainſi voit on Clotilde eſtre fournie De toute honneſte / et doulce compaignie. [1895]Elle a beaulte /Sens / pꝛudence / et ſcauoir Et ſur les biens que au monde puiſſe auoir, Du ſainct bapteſme elle a le caractere. Ses gꝛandz bontez ne poꝛtent care a taire Pour les debuoir mectre en dilation. [1900] Doncq , delle ouye ample relation, Le roy enuoye a la ſaige et diſcrette Ieune pucelle ambaſſade ſecrette

---

43v

Aurelian en habit de poure eſt deuant Clotilde A ſcauoir mon. ſi elle aura plaiſir Que a ſon eſpouſe il la vueille choyſir. [1905]Pour ce tranſmect au pays de Bourgongne, Affin de faire entamer la beſongne, Aurelian, lun de ſes chambellans, Et autres bons pꝛeudhommes et vaillans. Si ne veult pas que y aillent les mains vagues, [1910]Mais les fournyt daneaulx et riches bagues Pour les donner a celle et pꝛeſenter Dont veult le cueur / au ſien de pꝛes enter. Tant et ſi bien leurs cheuaulx eſpꝛouuerent Que au pꝛopꝛe lieu ou eſtoit ſe trouuerent. [1915]Et toſt apꝛes quilz furent arriuez, Aurelian / ſes compaignons pꝛiuez Habandonna, par ung iour de dimanche, Non pour monſtrer que ait le cueur en la manche, Mais, caultement ſon rolle eſtudiant, [1920]La robe pꝛend dun poure mendiant Et , actendant a la poꝛte du temple, Penſe / regarde / et ſaigement contemple Dame Clotilde aulmoſnes departir. Et quant il voit que a luy va impartir [1925]Comme a ung autre /.A lheure eſt il bien ayſe Et ſa main blanche en reuerence bayſe. Baiſſant les yeulx tres amyablement,

---

44r

Aurelian habille en poure parle a Clotilde ſecretement. La remercie et ſalue humblement, Dont deuint toute eſbahie et douteuſe, [1930]Comme doibt eſtre une fille honteuſe. Mais bien voulut du poure ſenquerir Et lenuoya en ſa chambꝛe querir. Luy arriue / et la raiſon enquiſe Pour quoy ainſi baiſer ſa main a quiſe, [1935]Il luy reſpond /.Dame. le roy Clouis, ( A qui ie ſuys). Par bon et meur aduis, Menuoye a vous / non point par deffiance, Mais en eſpoir que a luy ie vous fiance. Et quil ſoit vray /. Ces aneaulx pꝛecieux [1940]Vous offre en don courtoys et gꝛacieux. Pour voz vertus / beaulte / et fleurie eaige , Il les vous donne en nom de mariaige. Pource, madame / aduiſez ſil vous plaiſt De recepuoir le pꝛeſent tel quil eſt. [1945]Iay fait ce tour / affin que par cautelle Parlaſſe a vous /. Adoncq reſpondit elle : Helas, amy. dont peult venir cecy Que ung roy ſi gꝛand et puiſſant ayt ſoucy De pꝛendꝛe a femme une fille captifue [1950]Telle que ſuys, oꝛpheline et cheſtifue ? Quel bien /. quel heur / quel treſoꝛ / ou auoir Penſe Clouys acquerir pour mauoir ?

---

44v

La reſponſe de Clotilde a Aurelian. Iay peu de biens /. Ie nay pere ne mere, Ie nay pouoir non plus que une chimere, [1955]Mon dolent cueur eſt en oſtaige mys, Deſtitue et dauoir et damys. Ma liberte eſt liee en ſeruaige Ne plus ne moins que une beſte ſauuaige Eſt detenue en liens et en fers [1960]Ou dampnee ame aux abiſmes enfers. Captiuite tiens ie ma parſonniere, Auecques elle Icy ſuys pꝛiſonniere. Et dautre part, Amy /. Le ſainct Eſpꝛit Mys au papier de la loy Ieſus Criſt [1965]Ne permect pas que fille creſtienne Ayt aliance a la ſecte payenne. Ce ſont raiſons / dont deuſſe doubter foꝛt Et de reffus mayder en tout effoꝛt. Mais touteſuoys iay parfaicte eſperance [1970]Au doulx Ieſus / que Clouys, roy de France, En ma faueur ſi bien aduertira Que a laduenir il ſe conuertira. Pource, en pꝛenant les pꝛeſens quil me donne, A ſon vouloir maccoꝛde et habandonne. [1975]§Ces motz ouyz / ſans plus auoir ſonge, Aurelian pꝛint de celle conge, Quil ne trouua eſtrange ne rebelle.

---

45r

Clouis renuoye querir Clotide pour leſpouſer. Guay |ſe partit et la charge moult belle Luy et ſes gens arriuerent a poꝛt [1980]Dheureux ſalut /. et gꝛacieux rappoꝛt. Le roy, ioyeux / quant il voit et ſcet quelle A dit le mot / renuoye une ſequelle Dambaſſadeurs /. ou il veult de rechief Aurelian eſtre ducteur et chef. [1985]A Gondebault, roy de Bourgongne, mande Que ſa niepce auoir vers luy demande, Pour leſpouſer / ſelon les compꝛomys Que luy et elle enſemble lont pꝛomys. Et ſe actend bien / quoy quil en die ou gꝛongne, [1990]Par ce, iouyꝛ du pays de Bourgongne, Car bien congnoiſt que faulſement le tient Et que par dꝛoit il ne luy appartient. Inſtructions / et charges entendues, Les oꝛateurs aux choſes pꝛetendues [1995]Faiſans debuoir enuers ce Gondebault, Rebelle / fier / et oꝛgueilleux ribauld, Aurelian poꝛte parolle apperte Et dit quil fault (ſoit a gaigne ou a perte) Que ayent Clotilde /. Autre allegation [2000]Ne luy pꝛopoſe en ſa legation. Non eſiouy Gondebault de ces nopces, Doubtant auoir ſur ce males endoſſes

---

45v

Clotilde emmenee en France vers le roy Clouys჻ Euſt bien voulu a ce point reſiſter, Mais il noſa au contraire inſiſter, [2005]Car les eſtatz du pays de Bourgongne Diſrent / que a luy et eulx ſeroit vergongne A la pucelle empeſcher ſon bon heur, Veu que le roy leur fait ſi gꝛand honneur. Et oultre plus maintiennent / que a luy eſt ce, [2010]Ou eſtre doibt, plaiſir veoir ſa niepce Royne de France /. A lheure, tout confus, Se y accoꝛda / et nen fiſt plus reffus. Mais honneur mys / et nobleſſe a contre ungle Se monſtra faulx et deſnature oncle, [2015]Car ſans offrir a elle ung ſeul denier, Tous ſes ioyaux luy voulut denier. Et tout ainſi (qui fut choſe mauſſade, La deliura au chef de lambaſſade. Si nen fiſt elle aucun ſemblant / de moins [2020]Luy ſcauoir gꝛe / pour ſoꝛtir de ſes mains, Mais au partir tint bien en ſa penſee Se veoir ung iour de tout reſcompenſee. §Elle ſen va /. et il eſt demoure ; Elle a honneur /. Il eſt deſhonnoꝛe ; [2025]Elle eſt bien ſaige /.Il eſt plein de folye ; Elle a plaiſir /.Et luy melencolye. Oꝛ , comme elle eſt ſon chemin exploictant

---

46r

Clotilde au partir fait piller par le pays de Bourgongne. Par le pays, luy poyſe et deſplaiſt tant Son oncle veoir en triumphe pꝛoſpere [2030]Sur le royaulme vſurpe de ſon pere Dont, quant ſe voit hoꝛs Bourgongne, a peu pꝛes, Diſt aux Francoys ainſi par motz expꝛes : Enfans / pꝛenez / et deſpouillez la pꝛoye De ces lieux cy /. Car ie les vous octroye. [2035]Quant aurez pꝛis meubles / potz / et plateaux, Mectez le feu en villes et chaſteaux. Cela ſera vray teſmongnaige et ſigne Du mal futur / que vengence y aſſigne. A ſon dict neut longue diſcution [2040]Mais toſt fut mys a execution . La cauſe vint de rigueur langoureuſe , Conficte en pleur / et langueur rigoꝛeuſe, Qui le ſien cueur afflige / ronge et moꝛd En piteux plaingtz et regꝛetz ſur la moꝛt [2045]Cruelle / eſtrange / angoiſſeuſe et amere, Dont celluy oncle auoit ſes pere et mere Fait faulſement finir et terminer Par lenraigee amour de dominer. Neſt ce douleur / quant vent de conuoytiſe [2050]Lardant bꝛazier dambition attiſe, Iuſques a veoir au frere executer Le coup de moꝛt / et tant perſecuter

---

46v

Nouuelles a Clouys de la venue de ſamye Clotilde. Son pꝛopꝛe ſang / pour choſe tempoꝛelle ? Ceſt gꝛand exces doffenſer tant pour elle. [2055]Oꝛ va ung poſte a Soiſſons pꝛomptement Faire ſcauoir au roy Clouys comment Dame Clotilde, auecques la bꝛigade, Eſt arriuee en certaine bourgade Aſſez pꝛouchaine /. Et de cela ioyeux, [2060]Comme celluy qui ne demandoit mieulx, Incontinent ceſte nouuelle ſceue, A commande / pour la veoir bien receue, Que de ſes gens ny euſt homme viuant Qui ne feuſt pꝛeſt pour aller au deuant. [2065]§Icy pourroye aſſez faire longs contes Sur lappareil des pꝛinces / ducz / et comtes Et comme tous ſe firent acouſtrer Gaillardement / pour la dame encontrer ; Auſſi comment pluſieurs des gentilz hommes, [2070]Sur les papiers, chargerent gꝛoſſes ſommes Pour trencher ſoye / et dꝛap doꝛ chicqueter, Affin de faire enuieux caqueter, Cuyder tenir le conte des appꝛeſtes Et comme toſt les dames furent pꝛeſtes, [2075]Mectre en auant tourectz / et cache nez, Leurs goꝛgerins de carcans encheſnez, Comme on les veit auſſi deliberees

---

47r

La ioye que chūn a pour la venue de Clotilde en france. Et de nouueaulx paremens fallerees, Le dire au long pourroit gentz exciter [2080]A faſcherie /. Auſſi de reciter Par le menu / comment ſe pꝛeparerent Ceulx de Soiſſons /. et dhabitz ſe parerent Les plus ioliz des leurs /Cela ſeroit Moult ennuyeux /. Et trop ſe laſſeroit [2085]La main deſcripꝛe /. et le liſeur de lire Qui de telz cas empꝛendꝛoit tout eſlire. Ie laiſſeray les goꝛgiaſetez, Bobans / honneurs / eſbatz / ioyeuſetez, Tout plein de ieuz / gꝛacieuſes harengues [2090]Par gens de lectre / et de diſertes langues. Ie laiſſe auſſi / a dire lentretien, Le poꝛt / lhonneur / la beaulte / le maintien, La gꝛauite / le regard / loꝛdonnance, Facunde / gꝛace / et doulce contenance [2095]De Clotildis /. ou le roy a poſe Lœil et le cueur /. Tout ce pꝛeſuppoſe, On peult penſer a ceſte bien venue Eſtre a pluſieurs gꝛande ioye aduenue. Le peuple dit /. Oꝛ eſt venu le temps [2100]Que nous viurons ioyeux et bien contentz. Legliſe a part fait feſte ſollempnelle, Eſpere en Dieu / et ſe conſole en elle.

---

47v

Lappareil de Clouys pour recepuoir ſamye Clotilde. Nobleſſe entend ſa puiſſance aſſeruir A bien aymer / et loyaulment ſeruir. [2105]Et nont tous troys choſes ſi cheres / que offres Ne facent loꝛs des treſoꝛs de leurs coffres. §Le roy / ung iour / ayant tel appareil, Cueur deſireux / et penſement pareil Que homme amoureux / qui gayement ſappareille, [2110]Pour ſe allier auecques ſa pareille, Delibera les nopces celebꝛer, Deſquelles neſt bien poſſible nombꝛer Les gꝛandz amaſtz de viandes requiſes, Vins delicatz / tant de choſes exquiſes, [2115]Acouſtremens deuiſez par art gent, Dꝛaps doꝛ friſez / foꝛce toilles dargent, Pꝛinces / ſeigneurs / toute la gentilleſſe En eſtat plein de pompeuſe nobleſſe, Archiers de coꝛps / paiges /Ieunes enfans [2120]Dune liuree en habitz triumphans, Diray ie mieulx /. dames et damoyſelles De cueur ſi gay que faulcon, de moys , aelles Ne miſt au vent pour pꝛandꝛe dun vol laer , Comme leurs yeulx ſceurent du bas voller. [2125]Dieu ſcet les ſaultz / dances / bꝛanſles / moꝛiſques, Les nouueaultez / goꝛgiaſes / et friſques, Inuentions de paſſe temps / eſbatz,

---

48r

Nopces et feſte de Clouis et de la belle Clotilde creſtienne. Iouxtes / tournoys / courſes / et beaulx combatz, Sons dinſtrumens / oꝛgues / harpes / doulcines, [2130]Fluſtes / haultz boys / trompettes / coꝛs / bucines, Pſalterions / cymbales / et tabours, Les feuz de ioye en la ville et faulxbourgz. Mais a parler de la doulce pucelle, Ieune eſpouſee /.A lheure ce fut celle [2135]A qui lhabit royal ſi bien duyſoit Que par deſſus mainte autre reluyſoit, Et tout ainſi que loꝛdꝛe couſtumiere Du cler Phebus / ſur iour donnant lumiere, Garde apparoir eſtelle au firmament, [2140]Elle rendit /Ie le croy fermement, Luſtre auſſi gꝛand ſur toutes beaultez telles, Comme Auroꝛa deuant autres eſtelles. Durant huyt iours /.Les plantureux conuiz A tous venans parfaictz et aſſouuiz, [2145]Chaſcun diſoit / que au pays ne fut faicte, En iour de vie, une ſi belle feſte Et furent tant gꝛandz et petitz contentz, Que la memoyꝛe en demoura long temps. §Voyant Clouis la pꝛudence louable , [2150]Gꝛace / beaulte / et doulceur amyable De ſon eſpouſe /. augmenta lamytie Que a elle auoit chaſcun iour de moytie.

---

48v

Clotilde admōneſte Clouys deſtre creſtien჻ Souuenteffoys, luy ſeul auecques elle, Par gꝛand deſir, ialouſie / et bon zelle, [2155]Croyꝛe a ung Dieu aſſez lamonneſtoit, Mais ſon vouloir encoꝛ lamont neſtoit. Elle, fondee en la ſaincte doctrine De Ieſus Criſt /. du fons de ſa poictrine Gecte ſouſpirs / et exclamations. [2160]Mais neantmoins / telles ſommations, Enhoꝛtemens / et doulces parabolles, Il croyt touſiours a ſes faulſes ydolles Et ne luy ſcet nouuelles annuncer Par quoy il vueille a ſa loy renuncer. [2165]Ainſi, par folle et vaine deceuance Inueteree en la vieille obſeruance, Pꝛopoſe et mect ſes contradictions, Diſant quil ſuyt Loix et tradictions Des anciens /. et ne quiert ia pꝛetendꝛe [2170] A autre loy iour de ſa vie entendꝛe.