---

1v

---

2r

Lauarice du roy Clotaire pillant ſus gentz degliſe.

§En retournant au paſſaige / ou la plume Se repoſa./Icy mectray par vers : Du roy Clotaire. et de ſon filz peruers. Durcy en cueur, trop plus que fer denclume.

§ Chapitre pꝛemier

[365]LAn que Clotaire / a regner commenca, Par tous endꝛoitz, tant en la cōme en ca, Ceſt aſſauoir que de france totalle, Succeſſion receut hereditale. Il fut ſurpꝛis dauarice tres tant [370]Que maintes gentz en alla mal traictant, Et a ce induyt daulcuns ſes domeſticques, Leuant deniers ſus eccleſiaſticques. Ung bon pꝛeudhomme archeueſque de tours Le blaſma foꝛt /. diſant que, par telz tours , [375]Tollir a dieu le deu quon luy doibt rendꝛe Ne peult iamais a perſonne bien pꝛendꝛe. Loꝛs allegua ce vray paſteur loyal Le texte rond du pꝛophete royal, Qui dit ainſi / en parlant par la bouche [380]Du sainct eſpꝛit /.gentz ſacrez on ne touche Selon le mot /.Nolite tangere Criſtos meos /. Le quel mot digere , Le roy ceſſa leuer aulcune ſomme Sus le clerge /.Et fit bien /. Oncques homme

---

2v

Remonſtrance / ſur les pillaiges faitz ſur legliſe. [385] Chargeant legliſe /Aſſez le puys pꝛouuer / A tard ſceut il du cas bien ſe trouuer. Ie ne dy pas / pour cauſe raiſonnable, Que a debeller la peruerſe et dampnable Paganerie, on neuſt raiſon et dꝛoit [390]Leuer argent par ung chaſcun endꝛoit, Mais employer le ſacre patrimoyne Du crucifix /. leuant ſus pꝛeſtre et moyne, Exaction pour faire ſang creſtien Eſpendꝛe ainſi /. Certes ie croy et tien [395]Que ſi ung pꝛince argent degliſes touille Auecq le ſien /.En fin ceſte deſpouille Fera verſer ſon affaire a nyent. Et trouuera tel inconuenient, Comme foꝛtune a gentz nuyꝛe ſe auance, [400]Quil y perdꝛa vie, honneur et cheuance. §Ie nen dy plus.Car il pourroit ſembler Que le renom de ceulx voulſiſſe embler Qui mectent ſus, par ſubtilles cautelles, Exactions / et inuentions telles. [405]Auſſi, telz motz ſont a ceulx odieux, Qui de treſoꝛs mal acquis font leurs dieux. §Clotaire doncq craignant ſa conſcience, Atant laiſſa legliſe en pacience. Si leua ſus ung oſt gꝛand et puiſſant

---

3r

Cran faiſant guerre contre ſon pere Clotaire. [410]Contre ſon filz fier et deſobeiſſant, Dur, oꝛgueilleux / arogant / et rebelle. Ceſt celluy filz que Cramire on appelle Selon aulcuns /. Autres le nomment Cran. Tous deux trouuay par eſcript des lautre an. [415]§Ces pꝛopꝛes noms, ſouuent a lauenture, Sont tranſmuez par vice deſcripture. §Cramire ou Cran. de cela ne me chault, Le tranſmuer ny cauſe froid ne chauld. Mais ceſt douleur / quen telle ſoꝛte appere [420]Glayue moꝛtel partant de filz a pere. Des ce temps la, reueoir commenca lon Contre Dauid / le peruers Abſalon /. Hayne de filz ainſi deſnaturee Eut vers le pere exceſſiue duree /. [425]Par dꝛoit tient on a male heure eſtre ne Ung filz rendant le ſien pere eſtrene De tel endꝛoit / quant ſus luy fault quil vze Dauſtere aigꝛeur / iuſqua la moꝛt incluze. §Clotaire adoncq / par flamme de ire eſpꝛis, [430]Eſuertuant ſes ſens / foꝛces / eſpꝛitz Et pleins effoꝛtz /. voult dompter la peruerſe Ferocite de Cran /qvelque part verſe, Et pꝛomptement fit genſdarmes marcher Encontre luy /. Loꝛs Cran, cuydant chercher

---

3v

Clotaire fiſt bruſler legliſe Sainct Martin de Tours et Connebault dedans [435]Ferme ſecours ſur actente incertaine, A Connebault(requiſt) roy dacquitaine, Quil le voulſiſt ayder et ſecourir, Ce que accoꝛda./et fiſt poſtes courir En ſes pays, ſi quen petite eſpace, [440] Iuſques a tours en armes vient et paſſe. Mais en cela ſe trouua moult deceu, Car auſſi toſt que Clotaire leut ſceu Fauoꝛiſer / la deſobeiſſance, De ce filz laſche. a tout gꝛoſſe puiſſance [445]Le rembarra , par ſi tres rude effect Que tout ſon oſt fut rompu et deffait. Et luy fuyant / ne ſaichant lieu que eſliſe De ſeurete / ſe alla mectre en legliſe De sainct Martin a tours. La fut long temps, [450]Et ne ſceut on, durans / iceulx contentz, Homme trouuer / qui par pꝛomeſſes faire Len tiraſt hoꝛs /. Conſiderant laffaire, Clotaire fit gecter en toutes partz Le feu dedans /. dont furent acoup ars [455]Et le fuyant / et la chappelle ſaincte. Mais toſt apꝛes / plus ſpacieuſe enſeincte Choyſit / pour mieulx reparer le deſroy, Ou bien monſtra ung ouuraige de roy, Car en peu iours fut celluy edifice

---

4r

Cran alie de Senabut comte de Bretaigne / contre ſon pere Clotaire [460] Rediffie par meilleur artifice, Plus ſumptueux que oncques et plus certain, Et loꝛdonna couurir de fin eſtaing. §Cran pꝛetendant que a plus gꝛand nōbꝛe attaigne De gentz armez /. Au conte de bretaigne [465]Dit Senabut / tranſmiſt poſtes gꝛand cours, Luy requerant faueur / ayde / et ſecours, Et que une armee il voulſiſt a part faire, Pour le ſien pere a poꝛt darmes deffaire. §Loꝛs Senabut, aſſemblant ſes bretons, [470]Gentz de cheual / et gꝛand nombꝛe pietons, Se miſt aux champs pour tenir la querelle De Cran / voulant contre loy naturelle Soy declarer malfaicteur criminel, Oultre lhonneur de credit paternel. [475]§Eulx aſſemblez / deſployerent banieres En ſoꝛte et poꝛt doultraigeuſes manieres. De lautre part /Clotaire curieux Dexecuter ſon vouloir furieux, Fit applicquer ſon armee en bretaigne. [480]Et luy eſtant en la plaine campaigne, Ce filz, comble dexceſſiue fureur, Continuant ſon obſtinee erreur, Oza mander parolles de repꝛoches Au roy ſon pere /. Oꝛ voyans les appꝛoches

---

4v

Cran preſt en bataille contre ſon pere Clotaire. [485]De gꝛand ruyne et moꝛtelz accidentz, Aulcuns des ſiens gentz feaulx et pꝛudents Firent debuoir de chercher et enquerre Certains moyens de appaiſer ceſte guerre. Mais on ne ſceut a bon accoꝛd venir, [490]Car Clotaire eut touſiours en ſouuenir La mauuaitie darrogance alteree Confite en fiel de hayne inueteree, Et ne voulut les articles paſſer Mys en auant /. On peult icy penſer [495]Que fierement / ces deux gꝛoſſes armees, Au feu de raige et foꝛte ire allumees, Firent debuoir de bien eſcarmoucher Et que le choc fut a leſcart moult cher. Auancoureurs, faiſans diuerſes courſes, [500]Monſtrerent dentz plus furieuſes que ourſes, Leons / liepardz / et loups ne monſtrent loꝛs Que a foꝛce on mect leurs petitz faons dehoꝛs De leurs terriers /. Les batailles rengees, Tenans fiertez de beſtes enraigees, [505]Tant dune part / que aultre /.Les actendans Eurent deſpit quon ne donnoit dedans. §Clotaire, auant quen ce dur combat aille, Conſiderant que le ſoꝛt de bataille Eſt dangereux /. et que de mauuais art

---

5r

Loraiſon du roy Clotaire a Dieu contre liniure de ſon filz Cran. [510]Uſe ſouuent foꝛtune en ce hazard, A dieu voulut recommander laffaire, Et dhumble cueur / oꝛaiſon telle faire : Dieu, iuſte iuge / ou mon eſpoir ample eſt, Regarde au tien ſeruiteur / ſil te plaiſt ! [515]Gecte les yeulx de ta miſericoꝛde Sus moy dolent pecheur /. et te recoꝛde Que tu donnas la victoire a dauid, Loꝛs que fierte de couraige rauit Tant Abſalon ſon filz /. quil fut rebelle [520]Vers luy /. ainſi que mon filz qui debelle Encontre moy ſans iuſtice / equite, Raiſon ny dꝛoit /. Voy ſon iniquite, O roy des roys /. et ma iuſte dꝛoicture Garde et ſouſtien /. Car ſus loy de nature, [525]Ce laſche enfant / me rend le mal pour bien. Sire, tu ſcez comment / quant / et combien Iay trauaille le mectre a raiſons bonnes. Tu es celluy qui les victoires donnes. Ie te ſupply, tres doulx benoiſt saulueur, [530]Donne moy poꝛt (en ce cas) et faueur ! Incontinent apꝛes ceſte pꝛiere, Delibera ne demourer derriere, Mais ſe gecta quant et ceulx de deuant, Si quen ce iour ny eut homme viuant /

---

5v

Bataille entre Clotaire / et ſon filz Cran. [535]De tous les ſiens, qui fiſt telle vaillance Comme luy ſeul /. A gꝛand cource de lance, Par maintz endꝛoitz / il fit voye en leſtour, Soy demonſtrant aſſeure comme eſt tour Contre gꝛand vent / pour le quel ne varie /. [540]Lacouſtrement charge doꝛfauerie Que auoit ſus luy fut trenche, par tel point Que ſa liuree on ne congnoiſſoit point, Car ou millieu de la plus gꝛoſſe trouppe Des ennemys / alla fourrer la crouppe [545]De ſon deſtrier /. ou ceulx que auoit menez Neuſſent (ſans luy) oze mectre le nez. La, au trenchant de ſa bꝛuyante eſpee, Rendit ſon bꝛaz / chair / et peau decouppee De maint ſouldard /. La / donna il dedans, [550] Froiſſant armetz enfoncez pꝛes des dentz. La ſe trouua ſon eſpee arouſee De ſang bouillant iuſques a la croiſee . Et dautre part / ce Cran, encouraige Tout fouldꝛoyer, comme ung chien enraige, [555]Ou comme fait / enuiron ſimples beſtes, Tigꝛe affame:La, fit telles tempeſtes Deſpendꝛe ſang, quil ny auoit celluy Qui craincte neuſt ſe trouuer deuant luy /. Se lun ſcauoit bꝛaz / et teſtes abatre,

---

6r

Victoire de Clotaire contre Cran pris et deffait /. et ſon proces fait. [560]Lautre faiſoit merueilles de combatre. Et, par ainſi, de toutes les deux partz Furent pluſieurs (par glayue) aux champs eſpars /. Bataille y eut, ſi tres impetueuſe Que lōg temps fut la victoire doubteuſe, [565]Et neuſt on ſceu bonnement a parler Ou debuoit lheur de ce triumphe aller. Mais, a la fin /.Celluy dieu qui oꝛdonne De toute choſe /. et les victoires donne, Miſt, a Clotaire et ſes genſdarmes, cueur [570]De hardement / vertu / foꝛce et vigueur, Et, au contraire / oſta la vertu toute A Cran / qui eut, (pour aſſeurance) doubte /. De fier maintien / fut en frayeur gecte, Pour hardieſſe / effect de laſchete, [575]En lieu de foꝛce / il eut foibleſſe et craincte, Et pour bon heur / hazart de male eſtraincte, Non luy ſans plus /. mais ceulx de ſon party Dont fut ſoudain le combat departy. §Larmee ainſi rompue et deſconfite, [580]Ce malheureux cuydant pꝛendꝛe la fuyte Fut empongne /. Puys, veuz les ſiens exces, Clotaire fit parfaire ſon pꝛoces. Loꝛs, par les mains du bourreau / comme infame, Deſſus ung banc mys et lie /. ſa femme

---

6v

Cran a mort mys auecq ſa femme et ſes deux filz. [585]Et ſes deux filz / a dure moꝛt ſommez, Furent bꝛuſlez tous quatre / et conſommez. §Ce donne cauſe / et matiere aſſez ample A tous enfans / y debuoir pꝛendꝛe exemple, Pour touſiours veoir peres obeys / ſans [590]Eſtre enuers eulx ſi deſobeyſſans, Sinon conuient que iugement iuſte iſſe, Par loy humaine / ou rigueur de iuſtice. §Le cas parfait / ſus la temerite Du filz, ſelon que auoit demerite, [595]Le pere, apꝛes tel exploict de vengence, Doubtant tumber en celle negligence Ou gentz ingꝛatz tumbent, par le deffault De rendꝛe a dieu le debuoir comme il fault / Le merciant de la belle victoire [600]A luy donnee / ung œuure meritoire Sus lheure empꝛiſt /. Et, meu daffection, A tours alla veoir la perfection Du baſtiement par luy oꝛdonne faire A ſainct martin /. Et loꝛs, pour ſatiſfaire [605]Aux maulx paſſez / par ſes faictz aduenuz, Ce lieu doua de rentes / reuenuz, Poſſeſſions / terres / fiefz / ſeigneuries, Villes / chaſteaux / et belles baronnies. §Si ample fut celle dotation

---

7r

Fondation de Sainct Martin de Tours. [610]Quen france na gueres fondation Qui plus de biens contienne en ſa cloſture. Luy a genoulx / deuant la ſepulture Du benoiſt ſainct, fiſt deuote oꝛaiſon, Et luy requiſt que la ſienne raiſon, [615]Deuant le roy des roys , la ſus recoꝛde A ce quil ait, par ſa miſericoꝛde, Remiſſion des pechez et meffaiz Quencontre luy peult auoir iamais faiz. Le veu parfait de ce pelerinaige, [620]De la partit / auecques ſon bernaige. Et en allant pꝛopoſa des ce iour Faire a Soiſſons / et alentour ſeiour, Diſant que laer du cartier le conuie Y conſommer le ſurplus de ſa vie.

---

1v

---

2r

Lauarice du roy Clotaire pillant ſus gentz degliſe.

§En retournant au paſſaige / ou la plume Se repoſa./Icy mectray par vers : Du roy Clotaire. et de ſon filz peruers. Durcy en cueur, trop plus que fer denclume.

§ Chapitre pꝛemier

[365]LAn que Clotaire / a regner commenca, Par tous endꝛoitz, tant en la cōme en ca, Ceſt aſſauoir que de france totalle, Succeſſion receut hereditale. Il fut ſurpꝛis dauarice tres tant [370]Que maintes gentz en alla mal traictant, Et a ce induyt daulcuns ſes domeſticques, Leuant deniers ſus eccleſiaſticques. Ung bon pꝛeudhomme archeueſque de tours Le blaſma foꝛt /. diſant que, par telz tours , [375]Tollir a dieu le deu quon luy doibt rendꝛe Ne peult iamais a perſonne bien pꝛendꝛe. Loꝛs allegua ce vray paſteur loyal Le texte rond du pꝛophete royal, Qui dit ainſi / en parlant par la bouche [380]Du sainct eſpꝛit /.gentz ſacrez on ne touche Selon le mot /.Nolite tangere Criſtos meos /. Le quel mot digere , Le roy ceſſa leuer aulcune ſomme Sus le clerge /.Et fit bien /. Oncques homme

---

2v

Remonſtrance / ſur les pillaiges faitz ſur legliſe. [385] Chargeant legliſe /Aſſez le puys pꝛouuer / A tard ſceut il du cas bien ſe trouuer. Ie ne dy pas / pour cauſe raiſonnable, Que a debeller la peruerſe et dampnable Paganerie, on neuſt raiſon et dꝛoit [390]Leuer argent par ung chaſcun endꝛoit, Mais employer le ſacre patrimoyne Du crucifix /. leuant ſus pꝛeſtre et moyne, Exaction pour faire ſang creſtien Eſpendꝛe ainſi /. Certes ie croy et tien [395]Que ſi ung pꝛince argent degliſes touille Auecq le ſien /.En fin ceſte deſpouille Fera verſer ſon affaire a nyent. Et trouuera tel inconuenient, Comme foꝛtune a gentz nuyꝛe ſe auance, [400]Quil y perdꝛa vie, honneur et cheuance. §Ie nen dy plus.Car il pourroit ſembler Que le renom de ceulx voulſiſſe embler Qui mectent ſus, par ſubtilles cautelles, Exactions / et inuentions telles. [405]Auſſi, telz motz ſont a ceulx odieux, Qui de treſoꝛs mal acquis font leurs dieux. §Clotaire doncq craignant ſa conſcience, Atant laiſſa legliſe en pacience. Si leua ſus ung oſt gꝛand et puiſſant

---

3r

Cran faiſant guerre contre ſon pere Clotaire. [410]Contre ſon filz fier et deſobeiſſant, Dur, oꝛgueilleux / arogant / et rebelle. Ceſt celluy filz que Cramire on appelle Selon aulcuns /. Autres le nomment Cran. Tous deux trouuay par eſcript des lautre an. [415]§Ces pꝛopꝛes noms, ſouuent a lauenture, Sont tranſmuez par vice deſcripture. §Cramire ou Cran. de cela ne me chault, Le tranſmuer ny cauſe froid ne chauld. Mais ceſt douleur / quen telle ſoꝛte appere [420]Glayue moꝛtel partant de filz a pere. Des ce temps la, reueoir commenca lon Contre Dauid / le peruers Abſalon /. Hayne de filz ainſi deſnaturee Eut vers le pere exceſſiue duree /. [425]Par dꝛoit tient on a male heure eſtre ne Ung filz rendant le ſien pere eſtrene De tel endꝛoit / quant ſus luy fault quil vze Dauſtere aigꝛeur / iuſqua la moꝛt incluze. §Clotaire adoncq / par flamme de ire eſpꝛis, [430]Eſuertuant ſes ſens / foꝛces / eſpꝛitz Et pleins effoꝛtz /. voult dompter la peruerſe Ferocite de Cran /qvelque part verſe, Et pꝛomptement fit genſdarmes marcher Encontre luy /. Loꝛs Cran, cuydant chercher

---

3v

Clotaire fiſt bruſler legliſe Sainct Martin de Tours et Connebault dedans [435]Ferme ſecours ſur actente incertaine, A Connebault(requiſt) roy dacquitaine, Quil le voulſiſt ayder et ſecourir, Ce que accoꝛda./et fiſt poſtes courir En ſes pays, ſi quen petite eſpace, [440] Iuſques a tours en armes vient et paſſe. Mais en cela ſe trouua moult deceu, Car auſſi toſt que Clotaire leut ſceu Fauoꝛiſer / la deſobeiſſance, De ce filz laſche. a tout gꝛoſſe puiſſance [445]Le rembarra , par ſi tres rude effect Que tout ſon oſt fut rompu et deffait. Et luy fuyant / ne ſaichant lieu que eſliſe De ſeurete / ſe alla mectre en legliſe De sainct Martin a tours. La fut long temps, [450]Et ne ſceut on, durans / iceulx contentz, Homme trouuer / qui par pꝛomeſſes faire Len tiraſt hoꝛs /. Conſiderant laffaire, Clotaire fit gecter en toutes partz Le feu dedans /. dont furent acoup ars [455]Et le fuyant / et la chappelle ſaincte. Mais toſt apꝛes / plus ſpacieuſe enſeincte Choyſit / pour mieulx reparer le deſroy, Ou bien monſtra ung ouuraige de roy, Car en peu iours fut celluy edifice

---

4r

Cran alie de Senabut comte de Bretaigne / contre ſon pere Clotaire [460] Rediffie par meilleur artifice, Plus ſumptueux que oncques et plus certain, Et loꝛdonna couurir de fin eſtaing. §Cran pꝛetendant que a plus gꝛand nōbꝛe attaigne De gentz armez /. Au conte de bretaigne [465]Dit Senabut / tranſmiſt poſtes gꝛand cours, Luy requerant faueur / ayde / et ſecours, Et que une armee il voulſiſt a part faire, Pour le ſien pere a poꝛt darmes deffaire. §Loꝛs Senabut, aſſemblant ſes bretons, [470]Gentz de cheual / et gꝛand nombꝛe pietons, Se miſt aux champs pour tenir la querelle De Cran / voulant contre loy naturelle Soy declarer malfaicteur criminel, Oultre lhonneur de credit paternel. [475]§Eulx aſſemblez / deſployerent banieres En ſoꝛte et poꝛt doultraigeuſes manieres. De lautre part /Clotaire curieux Dexecuter ſon vouloir furieux, Fit applicquer ſon armee en bretaigne. [480]Et luy eſtant en la plaine campaigne, Ce filz, comble dexceſſiue fureur, Continuant ſon obſtinee erreur, Oza mander parolles de repꝛoches Au roy ſon pere /. Oꝛ voyans les appꝛoches

---

4v

Cran preſt en bataille contre ſon pere Clotaire. [485]De gꝛand ruyne et moꝛtelz accidentz, Aulcuns des ſiens gentz feaulx et pꝛudents Firent debuoir de chercher et enquerre Certains moyens de appaiſer ceſte guerre. Mais on ne ſceut a bon accoꝛd venir, [490]Car Clotaire eut touſiours en ſouuenir La mauuaitie darrogance alteree Confite en fiel de hayne inueteree, Et ne voulut les articles paſſer Mys en auant /. On peult icy penſer [495]Que fierement / ces deux gꝛoſſes armees, Au feu de raige et foꝛte ire allumees, Firent debuoir de bien eſcarmoucher Et que le choc fut a leſcart moult cher. Auancoureurs, faiſans diuerſes courſes, [500]Monſtrerent dentz plus furieuſes que ourſes, Leons / liepardz / et loups ne monſtrent loꝛs Que a foꝛce on mect leurs petitz faons dehoꝛs De leurs terriers /. Les batailles rengees, Tenans fiertez de beſtes enraigees, [505]Tant dune part / que aultre /.Les actendans Eurent deſpit quon ne donnoit dedans. §Clotaire, auant quen ce dur combat aille, Conſiderant que le ſoꝛt de bataille Eſt dangereux /. et que de mauuais art

---

5r

Loraiſon du roy Clotaire a Dieu contre liniure de ſon filz Cran. [510]Uſe ſouuent foꝛtune en ce hazard, A dieu voulut recommander laffaire, Et dhumble cueur / oꝛaiſon telle faire : Dieu, iuſte iuge / ou mon eſpoir ample eſt, Regarde au tien ſeruiteur / ſil te plaiſt ! [515]Gecte les yeulx de ta miſericoꝛde Sus moy dolent pecheur /. et te recoꝛde Que tu donnas la victoire a dauid, Loꝛs que fierte de couraige rauit Tant Abſalon ſon filz /. quil fut rebelle [520]Vers luy /. ainſi que mon filz qui debelle Encontre moy ſans iuſtice / equite, Raiſon ny dꝛoit /. Voy ſon iniquite, O roy des roys /. et ma iuſte dꝛoicture Garde et ſouſtien /. Car ſus loy de nature, [525]Ce laſche enfant / me rend le mal pour bien. Sire, tu ſcez comment / quant / et combien Iay trauaille le mectre a raiſons bonnes. Tu es celluy qui les victoires donnes. Ie te ſupply, tres doulx benoiſt saulueur, [530]Donne moy poꝛt (en ce cas) et faueur ! Incontinent apꝛes ceſte pꝛiere, Delibera ne demourer derriere, Mais ſe gecta quant et ceulx de deuant, Si quen ce iour ny eut homme viuant /

---

5v

Bataille entre Clotaire / et ſon filz Cran. [535]De tous les ſiens, qui fiſt telle vaillance Comme luy ſeul /. A gꝛand cource de lance, Par maintz endꝛoitz / il fit voye en leſtour, Soy demonſtrant aſſeure comme eſt tour Contre gꝛand vent / pour le quel ne varie /. [540]Lacouſtrement charge doꝛfauerie Que auoit ſus luy fut trenche, par tel point Que ſa liuree on ne congnoiſſoit point, Car ou millieu de la plus gꝛoſſe trouppe Des ennemys / alla fourrer la crouppe [545]De ſon deſtrier /. ou ceulx que auoit menez Neuſſent (ſans luy) oze mectre le nez. La, au trenchant de ſa bꝛuyante eſpee, Rendit ſon bꝛaz / chair / et peau decouppee De maint ſouldard /. La / donna il dedans, [550] Froiſſant armetz enfoncez pꝛes des dentz. La ſe trouua ſon eſpee arouſee De ſang bouillant iuſques a la croiſee . Et dautre part / ce Cran, encouraige Tout fouldꝛoyer, comme ung chien enraige, [555]Ou comme fait / enuiron ſimples beſtes, Tigꝛe affame:La, fit telles tempeſtes Deſpendꝛe ſang, quil ny auoit celluy Qui craincte neuſt ſe trouuer deuant luy /. Se lun ſcauoit bꝛaz / et teſtes abatre,

---

6r

Victoire de Clotaire contre Cran pris et deffait /. et ſon proces fait. [560]Lautre faiſoit merueilles de combatre. Et, par ainſi, de toutes les deux partz Furent pluſieurs (par glayue) aux champs eſpars /. Bataille y eut, ſi tres impetueuſe Que lōg temps fut la victoire doubteuſe, [565]Et neuſt on ſceu bonnement a parler Ou debuoit lheur de ce triumphe aller. Mais, a la fin /.Celluy dieu qui oꝛdonne De toute choſe /. et les victoires donne, Miſt, a Clotaire et ſes genſdarmes, cueur [570]De hardement / vertu / foꝛce et vigueur, Et, au contraire / oſta la vertu toute A Cran / qui eut, (pour aſſeurance) doubte /. De fier maintien / fut en frayeur gecte, Pour hardieſſe / effect de laſchete, [575]En lieu de foꝛce / il eut foibleſſe et craincte, Et pour bon heur / hazart de male eſtraincte, Non luy ſans plus /. mais ceulx de ſon party Dont fut ſoudain le combat departy. §Larmee ainſi rompue et deſconfite, [580]Ce malheureux cuydant pꝛendꝛe la fuyte Fut empongne /. Puys, veuz les ſiens exces, Clotaire fit parfaire ſon pꝛoces. Loꝛs, par les mains du bourreau / comme infame, Deſſus ung banc mys et lie /. ſa femme

---

6v

Cran a mort mys auecq ſa femme et ſes deux filz. [585]Et ſes deux filz / a dure moꝛt ſommez, Furent bꝛuſlez tous quatre / et conſommez. §Ce donne cauſe / et matiere aſſez ample A tous enfans / y debuoir pꝛendꝛe exemple, Pour touſiours veoir peres obeys / ſans [590]Eſtre enuers eulx ſi deſobeyſſans, Sinon conuient que iugement iuſte iſſe, Par loy humaine / ou rigueur de iuſtice. §Le cas parfait / ſus la temerite Du filz, ſelon que auoit demerite, [595]Le pere, apꝛes tel exploict de vengence, Doubtant tumber en celle negligence Ou gentz ingꝛatz tumbent, par le deffault De rendꝛe a dieu le debuoir comme il fault / Le merciant de la belle victoire [600]A luy donnee / ung œuure meritoire Sus lheure empꝛiſt /. Et, meu daffection, A tours alla veoir la perfection Du baſtiement par luy oꝛdonne faire A ſainct martin /. Et loꝛs, pour ſatiſfaire [605]Aux maulx paſſez / par ſes faictz aduenuz, Ce lieu doua de rentes / reuenuz, Poſſeſſions / terres / fiefz / ſeigneuries, Villes / chaſteaux / et belles baronnies. §Si ample fut celle dotation

---

7r

Fondation de Sainct Martin de Tours. [610]Quen france na gueres fondation Qui plus de biens contienne en ſa cloſture. Luy a genoulx / deuant la ſepulture Du benoiſt ſainct, fiſt deuote oꝛaiſon, Et luy requiſt que la ſienne raiſon, [615]Deuant le roy des roys , la ſus recoꝛde A ce quil ait, par ſa miſericoꝛde, Remiſſion des pechez et meffaiz Quencontre luy peult auoir iamais faiz. Le veu parfait de ce pelerinaige, [620]De la partit / auecques ſon bernaige. Et en allant pꝛopoſa des ce iour Faire a Soiſſons / et alentour ſeiour, Diſant que laer du cartier le conuie Y conſommer le ſurplus de ſa vie.