---

---

§Du jeune filz Dagobert ,dit l'histoire Qu'en Austrasye et hors le territoire, [1375]Eut forte guerre où peril encourut. Et là son pere à tant le secourut Que eulx, joinctz ensemble, y obtindrent victoire.

§Chapitre.viii^e.

---

---

§Gentz deputez Atraict de temps, ainsi que jeunes gentz Sont desireux, aspres et diligentz [1380]Eulx demonstrer, tant de sens que par aaige, Fut Dagobert de tres noble paraige, Fort preux, hardy, adextre et couraigeux, Ayant voulloir de royal cueur à jeux D'honnestetez. La façon moderee [1385]De sa vertu veue et consideree, Dont grandement se trouva enrichy, Le roy son pere, au bourg nommé Clichy, De lez Paris, en ce bon loz et fame, Le marÿa à la seur de sa femme, [1390]Dicte Sichilde. Ainsi l'apparïant. Assez devoit estre là parÿant Le jeu gaigner, et de cueur non rebelle, Fort bien jouer; veu que on luy bailloit belle, Et qu'elle avoit, ainsi que l'escript dit, [1395]De beaulté grande assez ample credit. §Quant à son nom, je n'en ay certitude, Sinon que aucuns la denomment Gertrude.

---

§Pour l'estat de Dagobert Touchant ces noms, noz autheurs reverendz Souventesfoiz se trouvent differentz. [1400]Mais quoy ? Cela n'y toult gueres ne donne, Pour ce supplye à tant que on me pardonne, Se cy endroit laissé l'appareil grand. Aux nopces, faict je retien à garand Que le plus brief au possible descrire [1405]Est le meilleur sans si au long d'escrire, Ce qui n'est bien au principal duysant, Car j'ay desir, l'affaire conduysant Selon le gros et dur stille dont œuvre, Sommairement mener à fin cest œuvre. [1410]Aprés la feste il fault presuposer Que Dagobert feyt ung caz proposer Au roy son pere, et fut que d' Austrasye, Rendist la part de sa terre saisye, Sans uzurper droict de retencïon. [1415]Lors, à vuyder celle contencïon, Furent escriptz articles par chappitres, Et ordonnez douze hommes pour arbitres, Entre lesquelz fut l'evesque de Metz. Nommé Arnoul, qui n'eust voullu jamais,

---

§Dagobert receu roy d' Austrasye [1420]Pour craincte, amour, ou faveur entreprendre, Chose penser, dire ou faire à reprendre. §Le sainct preud'homme et aultres deputez, Aprés avoir les faictz bien disputez, Par leur sentence arbitraire appoincterent, [1425]Et Austrasie entiere decreterent À Dagobert devoir appartenir, Pour en jouÿr et celle part tenir, Paisiblement, franche, libre et indempne, D'entre le Rhin et la forest d' Ardenne, [1430]Selon les lieux, et limites, par droict, Jadis assis de bon et seur endroict. §La chose ainsi doulcement arrestee, Tantost aprés son allee apprestee, Fut sur les lieux receu paisible roy [1435]En trïumphant et sumptueux arroy. Lors, les Saxons, estans sur la frontiere, Oultre le Rhyn, disrent avoir matiere Tenir suspect roy si puissant près d'eulx. À ce moyen, comme gentz despiteux, [1440]S'esmeurent tous, sans aultre delay querre, Deliberez de luy faire la guerre.

---

§La guerre aux Saxons Luy, d'aultre part, quant les sceut approchantz, Ne faillit pas de se getter aux champs À grosse armee. Adonc, comme on s'efforce [1445]Donner dedans et qu'en pareille force, Les plus vaillantz font raige, au batailler, De braz pourfendre et jambes detailler, Membres casser, esserveler cervelles, De fraiz estocz et taillades nouvelles. [1450]§Tous eurent cueur de gentz fort belliqueux Et, combien que eust Dagobert moins gentz que eulx, Si passa il le Rhyn, monstrant visaige D'ardeur bouillante au marsial usaige. Car sans penser que on se peult eschaulder [1455]Par trop haster, ne voullut marchander, Mais au plus dru de la forte bataille, Se alla fourrer, où receut une taille, Dont moindre qu'elle ung homme au hazard mect De grand peril, car il eut de l'armet [1460]Et de son chef une piece emportee, Si que n'eust sceu endurer la portee, Ne fust Attile, ung sien lëal servant, Qui vie au corps luy alla conservant.

---

§Clotaire va au secours Tant d'armes feyt cestuy que de grand erre, [1465]Sur son cheval le releva de terre. Et aussitost que à saulveté l'eut mys Hors le danger et mains des ennemys, Au pere alla en Ardenne luy faire Le vray rapport du survenu affaire. [1470]Et pour donner tesmoignaige au meschief, Il luy porta celle piece du chef De son enffent, où les cheveulx tenoient Tous pleins de sang, qui preuve luy donnoient Avoir besoing de prompt ayde et secours. [1475]Allors le cueur ne sceut tenir son cours Qu'il ne rendist, par grand sourse de larmes, Ses yeulx baingnez. Puis eut recours aux armes, Feyt toute nuyct gentz si à coup marcher, Que au poinct du jour, non plus loing comme archer [1480]Tire d'ung trect, approcha près la tente De Dagobert dont, d'asseuree attente, Luy et les siens se veyrent esjouÿs Tant que leurs crys furent, ce croy je, ouys Jusques en l'ost de la partie adverse, [1485]Qui luy causa ennuyeuse traverse.

---

§De son filz Dagobert Et la raison, pour parler a privé, Quant on congnoist le secours arrivé, Que on voit branler enseignes, canons bruyre, Harnoys cliquer, armetz en testes luyre, [1490]Chevaulx hennyr, faire saultz, petiller, Faulcons siffler, trompettes trompiller, Pour certain, ceulx qui le secours attendent, Et au besoing se joindre à eulx l'entendent, En l'heure sont aux armes parforcez [1495]Et de renfort doublement renforcez. Ainsi peult l'ung à tel heur l'aultre attraire Que la victoire en ont, mais au contraire, Ainsi que ceulx congnoissantz acourir Flottes de gentz les venantz secourir [1500]Sont redoublez de force et hardïesse, Aussi sont ceulx affoibliz de prouësse Qui encontre eulx sentent renfort venir, Et sont doubteux de leur perte advenir Sans nul appuy d'esperance certaine. [1505]Là Berthouauld, des Saxons cappitaine, Prest de combattre, escouttant les deux ostz Mener gros bruict : comment ? dit il, ces sotz

---

§Bataille de Clotaire et Dagobert Coquardz Françoys sont ilz en resverye De faire telle et si grande crirye ? [1510]À quoy fut dit que ce cry procedoit Pour ce que là present Clotaire estoit, Avec son ost, deliberé destruire Luy et eulx tous. allors se print à rire, Disant : paillardz vous l'avez controuvé ! [1515]Clotaire est mort je tien cela prouvé. Mais la grand peur qui en voz cueurs se plonge, Vous fait porter une telle mensonge. §Quant Clotaire eut ouÿ cestuy rapport, Oultre le fleuve estant au droict du port, [1520]L'armet ostant, monstra de pleine allee, Son chef portant blancheur entremeslee. Là, l'orgueilleux, rude et fier Berthouauld, Ce villain mot oza dire tout hault. Dès ce qu'il vit la teste blanche et nue : [1525]A ! es tu là vieille jument chanue ! Ce fut ung mot dont Clotaire eut tel dueil Qu'il feyt serment jamais ne dormir de œil, Que n'eust vengé ce brocard de reproche. Lors desirant du heynneux faire aproche,

---

§Contre Berthouauld chef des Saxons [1530]Et le combat donner aux ennemys, Oultre le Rhyn passa, cy prys cy mys. L'ost de son filz et le sien en bon ordre Sceurent pincer adversaires et mordre, Car son destryer si asprement feryt [1535]Des esperons que au beau meillieu se offrit, Et plus espoix de toute la bataille, Au choc donner. C'est force que tout aille Et n'est saison là endroit restifver, Face temps chauld ou encor froid yver. [1540]§En les chargeant, donna de tel couraige, Que oncques ne fut tempestatif oraige Plus à doubter. Quoy que sur l'aaige fust, Son braz nerfvu porta lance de fust Au rencontrer si rude, que au combatre, [1545]Bien se monstra malaysé homme à battre. Là, fut ce jour de bien près regardant À Berthouauld, en desir fort ardant Estre celuy qu'en toute place on nomme Preux, pour tenir bonne coupple à son homme, [1550]Et du chef blanc monstrer au descouvert, Avoir pour luy braz encor assez verd.

---

§Clotaire occyt Berthouauld Or Berthouauld, voyant que à grosse suytte Faisoit sur luy Clotaire la pourssuytte, Fuyant les coupz et charmant le danger, [1555]Monstra semblant qu'il n'en vouloit manger, Mais au plus dru et conflict de la presse, Le poursuivit, par une telle appresse Que à coupz trenchez de glaives perilleux, Y eut estrif et combat merveilleux. [1560]Et tellement se demena l'affaire, Qu'en fin Clotaire, à Berthouauld deffaire, Baz abatu, son armet arracha, Et en l'instant la teste luy trencha. §Lors, les Françoys Saxons si fort batirent, [1565]Et tant de mortz par la terre abatirent, Que le surplus, eulx voyantz attourner Si rudement, furent contrainctz tourner. Ceste victoire à plaisir obtenue, Clotaire feyt tel esdit de tenue [1570]Que pour dompter Saxonie, en rigueur Les masles tous excedantz la longueur De son espee, en fureur et grosse yre, Fussent livrez, sans remeide, à occire.

---

§Fait esdit touchant l'occision des enfans Ce que fut fait. Ung seul vif n'en resta. [1575]Aussi manoir entier là n'arresta, Citez, chasteaulx, bourgs, villes et villaiges, Habandonnez à feu, sang et pillaiges, Paÿs bruslez furent à grand degast, Sans y trouver homme qui alleguast [1580]Venger le dueil de si grandz vituperes, Car les enffentz, dont guerre occist leurs peres, N'eurent pouoir longtemps armes porter. §Clotaire adonq se voulut transporter Au lieu qui plus son desir rassasie. [1585]Ce fut en France, en laissant d' Austrasye, À Dagobert, la dominacïon. L'exploit fut grand, quant telle natïon Dompta ainsi, rebelle, fiere et rogue. Si ce ne fust que à mon estat desrogue, [1590]Desirer sang des humains espendu, Je maintiendroye argent trop despendu Avoir esté au royaulme de France, Perte de gentz et peuples en souffrance, Par le deffault de faire en certains lieux [1595]Comme on feyt là. Or soit tout pour le mieulx.

---

§Assemblee faicte a Troyes Il fault laisser actes de telz passaiges À discutter aux gentz graves et saiges.

---

---

§Du jeune filz Dagobert ,dit l'histoire Qu'en Austrasye et hors le territoire, [1375]Eut forte guerre où peril encourut. Et là son pere à tant le secourut Que eulx, joinctz ensemble, y obtindrent victoire.

§Chapitre.viii^e.

---

---

§Gentz deputez Atraict de temps, ainsi que jeunes gentz Sont desireux, aspres et diligentz [1380]Eulx demonstrer, tant de sens que par aaige, Fut Dagobert de tres noble paraige, Fort preux, hardy, adextre et couraigeux, Ayant voulloir de royal cueur à jeux D'honnestetez. La façon moderee [1385]De sa vertu veue et consideree, Dont grandement se trouva enrichy, Le roy son pere, au bourg nommé Clichy, De lez Paris, en ce bon loz et fame, Le marÿa à la seur de sa femme, [1390]Dicte Sichilde. Ainsi l'apparïant. Assez devoit estre là parÿant Le jeu gaigner, et de cueur non rebelle, Fort bien jouer; veu que on luy bailloit belle, Et qu'elle avoit, ainsi que l'escript dit, [1395]De beaulté grande assez ample credit. §Quant à son nom, je n'en ay certitude, Sinon que aucuns la denomment Gertrude.

---

§Pour l'estat de Dagobert Touchant ces noms, noz autheurs reverendz Souventesfoiz se trouvent differentz. [1400]Mais quoy ? Cela n'y toult gueres ne donne, Pour ce supplye à tant que on me pardonne, Se cy endroit laissé l'appareil grand. Aux nopces, faict je retien à garand Que le plus brief au possible descrire [1405]Est le meilleur sans si au long d'escrire, Ce qui n'est bien au principal duysant, Car j'ay desir, l'affaire conduysant Selon le gros et dur stille dont œuvre, Sommairement mener à fin cest œuvre. [1410]Aprés la feste il fault presuposer Que Dagobert feyt ung caz proposer Au roy son pere, et fut que d' Austrasye, Rendist la part de sa terre saisye, Sans uzurper droict de retencïon. [1415]Lors, à vuyder celle contencïon, Furent escriptz articles par chappitres, Et ordonnez douze hommes pour arbitres, Entre lesquelz fut l'evesque de Metz. Nommé Arnoul, qui n'eust voullu jamais,

---

§Dagobert receu roy d' Austrasye [1420]Pour craincte, amour, ou faveur entreprendre, Chose penser, dire ou faire à reprendre. §Le sainct preud'homme et aultres deputez, Aprés avoir les faictz bien disputez, Par leur sentence arbitraire appoincterent, [1425]Et Austrasie entiere decreterent À Dagobert devoir appartenir, Pour en jouÿr et celle part tenir, Paisiblement, franche, libre et indempne, D'entre le Rhin et la forest d' Ardenne, [1430]Selon les lieux, et limites, par droict, Jadis assis de bon et seur endroict. §La chose ainsi doulcement arrestee, Tantost aprés son allee apprestee, Fut sur les lieux receu paisible roy [1435]En trïumphant et sumptueux arroy. Lors, les Saxons, estans sur la frontiere, Oultre le Rhyn, disrent avoir matiere Tenir suspect roy si puissant près d'eulx. À ce moyen, comme gentz despiteux, [1440]S'esmeurent tous, sans aultre delay querre, Deliberez de luy faire la guerre.

---

§La guerre aux Saxons Luy, d'aultre part, quant les sceut approchantz, Ne faillit pas de se getter aux champs À grosse armee. Adonc, comme on s'efforce [1445]Donner dedans et qu'en pareille force, Les plus vaillantz font raige, au batailler, De braz pourfendre et jambes detailler, Membres casser, esserveler cervelles, De fraiz estocz et taillades nouvelles. [1450]§Tous eurent cueur de gentz fort belliqueux Et, combien que eust Dagobert moins gentz que eulx, Si passa il le Rhyn, monstrant visaige D'ardeur bouillante au marsial usaige. Car sans penser que on se peult eschaulder [1455]Par trop haster, ne voullut marchander, Mais au plus dru de la forte bataille, Se alla fourrer, où receut une taille, Dont moindre qu'elle ung homme au hazard mect De grand peril, car il eut de l'armet [1460]Et de son chef une piece emportee, Si que n'eust sceu endurer la portee, Ne fust Attile, ung sien lëal servant, Qui vie au corps luy alla conservant.

---

§Clotaire va au secours Tant d'armes feyt cestuy que de grand erre, [1465]Sur son cheval le releva de terre. Et aussitost que à saulveté l'eut mys Hors le danger et mains des ennemys, Au pere alla en Ardenne luy faire Le vray rapport du survenu affaire. [1470]Et pour donner tesmoignaige au meschief, Il luy porta celle piece du chef De son enffent, où les cheveulx tenoient Tous pleins de sang, qui preuve luy donnoient Avoir besoing de prompt ayde et secours. [1475]Allors le cueur ne sceut tenir son cours Qu'il ne rendist, par grand sourse de larmes, Ses yeulx baingnez. Puis eut recours aux armes, Feyt toute nuyct gentz si à coup marcher, Que au poinct du jour, non plus loing comme archer [1480]Tire d'ung trect, approcha près la tente De Dagobert dont, d'asseuree attente, Luy et les siens se veyrent esjouÿs Tant que leurs crys furent, ce croy je, ouys Jusques en l'ost de la partie adverse, [1485]Qui luy causa ennuyeuse traverse.

---

§De son filz Dagobert Et la raison, pour parler a privé, Quant on congnoist le secours arrivé, Que on voit branler enseignes, canons bruyre, Harnoys cliquer, armetz en testes luyre, [1490]Chevaulx hennyr, faire saultz, petiller, Faulcons siffler, trompettes trompiller, Pour certain, ceulx qui le secours attendent, Et au besoing se joindre à eulx l'entendent, En l'heure sont aux armes parforcez [1495]Et de renfort doublement renforcez. Ainsi peult l'ung à tel heur l'aultre attraire Que la victoire en ont, mais au contraire, Ainsi que ceulx congnoissantz acourir Flottes de gentz les venantz secourir [1500]Sont redoublez de force et hardïesse, Aussi sont ceulx affoibliz de prouësse Qui encontre eulx sentent renfort venir, Et sont doubteux de leur perte advenir Sans nul appuy d'esperance certaine. [1505]Là Berthouauld, des Saxons cappitaine, Prest de combattre, escouttant les deux ostz Mener gros bruict : comment ? dit il, ces sotz

---

§Bataille de Clotaire et Dagobert Coquardz Françoys sont ilz en resverye De faire telle et si grande crirye ? [1510]À quoy fut dit que ce cry procedoit Pour ce que là present Clotaire estoit, Avec son ost, deliberé destruire Luy et eulx tous. allors se print à rire, Disant : paillardz vous l'avez controuvé ! [1515]Clotaire est mort je tien cela prouvé. Mais la grand peur qui en voz cueurs se plonge, Vous fait porter une telle mensonge. §Quant Clotaire eut ouÿ cestuy rapport, Oultre le fleuve estant au droict du port, [1520]L'armet ostant, monstra de pleine allee, Son chef portant blancheur entremeslee. Là, l'orgueilleux, rude et fier Berthouauld, Ce villain mot oza dire tout hault. Dès ce qu'il vit la teste blanche et nue : [1525]A ! es tu là vieille jument chanue ! Ce fut ung mot dont Clotaire eut tel dueil Qu'il feyt serment jamais ne dormir de œil, Que n'eust vengé ce brocard de reproche. Lors desirant du heynneux faire aproche,

---

§Contre Berthouauld chef des Saxons [1530]Et le combat donner aux ennemys, Oultre le Rhyn passa, cy prys cy mys. L'ost de son filz et le sien en bon ordre Sceurent pincer adversaires et mordre, Car son destryer si asprement feryt [1535]Des esperons que au beau meillieu se offrit, Et plus espoix de toute la bataille, Au choc donner. C'est force que tout aille Et n'est saison là endroit restifver, Face temps chauld ou encor froid yver. [1540]§En les chargeant, donna de tel couraige, Que oncques ne fut tempestatif oraige Plus à doubter. Quoy que sur l'aaige fust, Son braz nerfvu porta lance de fust Au rencontrer si rude, que au combatre, [1545]Bien se monstra malaysé homme à battre. Là, fut ce jour de bien près regardant À Berthouauld, en desir fort ardant Estre celuy qu'en toute place on nomme Preux, pour tenir bonne coupple à son homme, [1550]Et du chef blanc monstrer au descouvert, Avoir pour luy braz encor assez verd.

---

§Clotaire occyt Berthouauld Or Berthouauld, voyant que à grosse suytte Faisoit sur luy Clotaire la pourssuytte, Fuyant les coupz et charmant le danger, [1555]Monstra semblant qu'il n'en vouloit manger, Mais au plus dru et conflict de la presse, Le poursuivit, par une telle appresse Que à coupz trenchez de glaives perilleux, Y eut estrif et combat merveilleux. [1560]Et tellement se demena l'affaire, Qu'en fin Clotaire, à Berthouauld deffaire, Baz abatu, son armet arracha, Et en l'instant la teste luy trencha. §Lors, les Françoys Saxons si fort batirent, [1565]Et tant de mortz par la terre abatirent, Que le surplus, eulx voyantz attourner Si rudement, furent contrainctz tourner. Ceste victoire à plaisir obtenue, Clotaire feyt tel esdit de tenue [1570]Que pour dompter Saxonie, en rigueur Les masles tous excedantz la longueur De son espee, en fureur et grosse yre, Fussent livrez, sans remeide, à occire.

---

§Fait esdit touchant l'occision des enfans Ce que fut fait. Ung seul vif n'en resta. [1575]Aussi manoir entier là n'arresta, Citez, chasteaulx, bourgs, villes et villaiges, Habandonnez à feu, sang et pillaiges, Paÿs bruslez furent à grand degast, Sans y trouver homme qui alleguast [1580]Venger le dueil de si grandz vituperes, Car les enffentz, dont guerre occist leurs peres, N'eurent pouoir longtemps armes porter. §Clotaire adonq se voulut transporter Au lieu qui plus son desir rassasie. [1585]Ce fut en France, en laissant d' Austrasye, À Dagobert, la dominacïon. L'exploit fut grand, quant telle natïon Dompta ainsi, rebelle, fiere et rogue. Si ce ne fust que à mon estat desrogue, [1590]Desirer sang des humains espendu, Je maintiendroye argent trop despendu Avoir esté au royaulme de France, Perte de gentz et peuples en souffrance, Par le deffault de faire en certains lieux [1595]Comme on feyt là. Or soit tout pour le mieulx.

---

§Assemblee faicte a Troyes Il fault laisser actes de telz passaiges À discutter aux gentz graves et saiges.