---

---

§Pour reciter, de la jeune pucelle Que Dagobert acoincta, ce fut celle Dont ung filz eut hors adveu nuptïal. [2080]Et nonobstant, miracle special Se feyt en luy, l'histoire ne le scelle.

§Chapitre.xii^e.

---

---

§De Raguetrude concubine de Dagobert Dagobert lors trés fort se desplaisoit. Que Genyus ¹ à luy ne complaisoit, Disant : Par trop vers moy se desnature, [2085]Veu que on le tient ministre de nature, Pour labourer semer et cultiver, Tant en printemps, autumpne, esté que yver Et, par liqueur d'amoureuse rozee, Rendre la terre amplement arrozee, [2090]Que ores ne m'a de tant favorizé, Et mon labeur si bien auctorizé Que, par regard de celeste influence, Je n'ay produyct des fruictz en affluence. Aprés ces motz, se voyant demouré, [2095]Qui jour et nuyct avoit tant labouré, Et son labeur trouvant comme inutile, Delibera terre avoir plus fertile. Par ce moyen, Raguetrude, à plaisir, Choisit pour faire à ses costez gesir. [2100]Mais à sçavoir s'excuse legitime Eut en ce cas, pour response, j'extime

---

§Miracle advenu Que offensa Dieu, car on ne doibt jamais Commettre ung mal pour bien quelconque. Mais Les princes ont aultre loy, , ce leur semble, [2105]Que simples gentz. Le tout meslé ensemble, Entre eulx et nous, ne gyst exeptïon, Car Dieu n'entend avoir acceptïon D'homme vivant, en tant que touche offense, Contrevenant à ce dont faict deffense. [2110]Or passons oultre. Advint, touchant cela, Que ceste fleur son germe ne cela. Car sans doubter estre à ce mal menee, Feyt ung beau filz en celle mesme annee. À Orlëans, elle acoucha et geut, [2115]Le roy present. Et si à poinct escheut, Que là survint Aribert. Lors, grand feste Pour sa venue et de l'enffent fut faicte. De frere à frere y eut tout tel reccueil, Qu'en pareil caz, cueur doibt penser et que œil [2120]Peult adviser, personne estre pourveue D'ample soulaz, quant voyt à pleine veue Le sien amy, et prochain d'elle sent Ce qui longtemps avoit esté absent.

---

§Au baptesme du filz de Dagobert L'appareil faict que au baptesme on doibt faire, [2125]Le bon preud'homme, Amand en cest affaire, Pour baptiser l'enffent fut depputé, Car il estoit sainct homme repputé. Et à bon droict l'eglise tel l'approuve, C'est sainct Amand que au cathalogue on trouve. [2130]L'enffent tenu sur fontz par Aribert, Le denomma en son nom Sygibert. Or retenez que à ce divin oracle, Sur l'heure, y eut ung evident miracle, À extimer plus sans comparaison, [2135]Que je ne dy. Car aprés l'oraison Que sainct Amand disoit, n'eut personnaige Qui mot sonnast, l'enffant tenant en aaige Quarante jours sans plus, comme examen Fut sur ce faict seul, respondit « amen », [2140]À pleine voix fort haulte et bien ouÿe, Dont les deux roys, et la tourbe esjouye, Se deurent fort, comme croyre se doibt, Esmerveiller, et dire que c'estoit, Pour l'advenir, presaige et asseurance [2145]De tel enffant avoir bonne esperance.

---

§Ordre donnee par Dagobert Les prestres là furent ce ver chantantz, Qui dit, de bouche, aux enffantz alettantz : Ô Tu, Seigneur, que sans cesse loue ange, As huy parfaicte icy digne louange. [2150]Je laisse à dire et au penser remetz Quelz appareilz on feyt de divers metz, Quelx feux de joye et quelles rondes tables Dresserent peuple et personnes notables, De toute France. Il ne fault pas doubter [2155]Que tout compter sembleroit radotter. Ces choses là sont au cueur et pensee De ceulx dont tiens la plume dispensee. Quant à ce poinct, si m'en vueil deporter, Tant seullement, ce mot puis rapporter [2160]Que adonq le pere eut grand soing de la mere, Et receut joye, aprés doulleur amere, Aprés regret de ne se veoir enffent, À tel plaisir que à poy son cueur en fend. Et va disant que grand soulaz luy esse, [2165]Aprés ennuy, avoir telle lÿesse. Or demandez s'il feyt tout apprester, Pour plaisamment la nourrir et traicter,

---

§Sur la nourriture de son filz Pensez que si. Il donna, daventaige, Charge du filz à ung chevalier d'aaige, [2170]Nommé Egna, qui fainct homme n'estoit, Et bien souvent son maistre admonnestoit, Sans voulloir riens, pour le sien salut, taire Qu'il sçavoit estre à l'ame salutaire. Donq à bon droict ceste charge receut, [2175]Car saigement et bien faire le sceut. Laissons le là, et l'enffent, jusqu'à l'heure Que d'en parler aurons cause meilleure. Ains que Aribert, du roy son frere, eust pris Dernier congié, d'ardante amour espris, [2180]Offre luy feyt, et don de beneffice, Corps employer et biens à son service. Au cas pareil, le frere, tout autant Luy en offrit de bon cueur. Et partant, Aprés presentz que ung à aultre impartirent, [2185]Prenantz congié, d'ensemble se partirent. Ce faict voulut Dagobert usiter, Luy et ses gentz, affin de visiter Le sien royaulme, allant de place en place. Or aille fort, à male heure desplace,

---

§Dagobert diverty [2190]Se le sentier bien droict va traverser, Pour prendre voye où il pourra verser, Par le villain peché d'ingratitude, De liberté tumbant en servitude. On scet assez que, par ce vice infect, [2195]Maint homme au monde en a tout ainsi faict. Dieu nous en gard et doint la vertu telle Que vil forfaict ne nous tienne en tutelle.

---

---

§Pour reciter, de la jeune pucelle Que Dagobert acoincta, ce fut celle Dont ung filz eut hors adveu nuptïal. [2080]Et nonobstant, miracle special Se feyt en luy, l'histoire ne le scelle.

§Chapitre.xii^e.

---

---

§De Raguetrude concubine de Dagobert Dagobert lors trés fort se desplaisoit. Que Genyus ¹ à luy ne complaisoit, Disant : Par trop vers moy se desnature, [2085]Veu que on le tient ministre de nature, Pour labourer semer et cultiver, Tant en printemps, autumpne, esté que yver Et, par liqueur d'amoureuse rozee, Rendre la terre amplement arrozee, [2090]Que ores ne m'a de tant favorizé, Et mon labeur si bien auctorizé Que, par regard de celeste influence, Je n'ay produyct des fruictz en affluence. Aprés ces motz, se voyant demouré, [2095]Qui jour et nuyct avoit tant labouré, Et son labeur trouvant comme inutile, Delibera terre avoir plus fertile. Par ce moyen, Raguetrude, à plaisir, Choisit pour faire à ses costez gesir. [2100]Mais à sçavoir s'excuse legitime Eut en ce cas, pour response, j'extime

---

§Miracle advenu Que offensa Dieu, car on ne doibt jamais Commettre ung mal pour bien quelconque. Mais Les princes ont aultre loy, , ce leur semble, [2105]Que simples gentz. Le tout meslé ensemble, Entre eulx et nous, ne gyst exeptïon, Car Dieu n'entend avoir acceptïon D'homme vivant, en tant que touche offense, Contrevenant à ce dont faict deffense. [2110]Or passons oultre. Advint, touchant cela, Que ceste fleur son germe ne cela. Car sans doubter estre à ce mal menee, Feyt ung beau filz en celle mesme annee. À Orlëans, elle acoucha et geut, [2115]Le roy present. Et si à poinct escheut, Que là survint Aribert. Lors, grand feste Pour sa venue et de l'enffent fut faicte. De frere à frere y eut tout tel reccueil, Qu'en pareil caz, cueur doibt penser et que œil [2120]Peult adviser, personne estre pourveue D'ample soulaz, quant voyt à pleine veue Le sien amy, et prochain d'elle sent Ce qui longtemps avoit esté absent.

---

§Au baptesme du filz de Dagobert L'appareil faict que au baptesme on doibt faire, [2125]Le bon preud'homme, Amand en cest affaire, Pour baptiser l'enffent fut depputé, Car il estoit sainct homme repputé. Et à bon droict l'eglise tel l'approuve, C'est sainct Amand que au cathalogue on trouve. [2130]L'enffent tenu sur fontz par Aribert, Le denomma en son nom Sygibert. Or retenez que à ce divin oracle, Sur l'heure, y eut ung evident miracle, À extimer plus sans comparaison, [2135]Que je ne dy. Car aprés l'oraison Que sainct Amand disoit, n'eut personnaige Qui mot sonnast, l'enffant tenant en aaige Quarante jours sans plus, comme examen Fut sur ce faict seul, respondit « amen », [2140]À pleine voix fort haulte et bien ouÿe, Dont les deux roys, et la tourbe esjouye, Se deurent fort, comme croyre se doibt, Esmerveiller, et dire que c'estoit, Pour l'advenir, presaige et asseurance [2145]De tel enffant avoir bonne esperance.

---

§Ordre donnee par Dagobert Les prestres là furent ce ver chantantz, Qui dit, de bouche, aux enffantz alettantz : Ô Tu, Seigneur, que sans cesse loue ange, As huy parfaicte icy digne louange. [2150]Je laisse à dire et au penser remetz Quelz appareilz on feyt de divers metz, Quelx feux de joye et quelles rondes tables Dresserent peuple et personnes notables, De toute France. Il ne fault pas doubter [2155]Que tout compter sembleroit radotter. Ces choses là sont au cueur et pensee De ceulx dont tiens la plume dispensee. Quant à ce poinct, si m'en vueil deporter, Tant seullement, ce mot puis rapporter [2160]Que adonq le pere eut grand soing de la mere, Et receut joye, aprés doulleur amere, Aprés regret de ne se veoir enffent, À tel plaisir que à poy son cueur en fend. Et va disant que grand soulaz luy esse, [2165]Aprés ennuy, avoir telle lÿesse. Or demandez s'il feyt tout apprester, Pour plaisamment la nourrir et traicter,

---

§Sur la nourriture de son filz Pensez que si. Il donna, daventaige, Charge du filz à ung chevalier d'aaige, [2170]Nommé Egna, qui fainct homme n'estoit, Et bien souvent son maistre admonnestoit, Sans voulloir riens, pour le sien salut, taire Qu'il sçavoit estre à l'ame salutaire. Donq à bon droict ceste charge receut, [2175]Car saigement et bien faire le sceut. Laissons le là, et l'enffent, jusqu'à l'heure Que d'en parler aurons cause meilleure. Ains que Aribert, du roy son frere, eust pris Dernier congié, d'ardante amour espris, [2180]Offre luy feyt, et don de beneffice, Corps employer et biens à son service. Au cas pareil, le frere, tout autant Luy en offrit de bon cueur. Et partant, Aprés presentz que ung à aultre impartirent, [2185]Prenantz congié, d'ensemble se partirent. Ce faict voulut Dagobert usiter, Luy et ses gentz, affin de visiter Le sien royaulme, allant de place en place. Or aille fort, à male heure desplace,

---

§Dagobert diverty [2190]Se le sentier bien droict va traverser, Pour prendre voye où il pourra verser, Par le villain peché d'ingratitude, De liberté tumbant en servitude. On scet assez que, par ce vice infect, [2195]Maint homme au monde en a tout ainsi faict. Dieu nous en gard et doint la vertu telle Que vil forfaict ne nous tienne en tutelle.