---

---

[465]§Qui trop au loing n'aura les yeulx espars, Icy verra Clotaire bonnes partz Donner aux siens en certaines provinces. Et en monstrant que honneur siet bien à princes, Vouldra quicter le tribut aux Lombardz.

§Chapitre iii^e.

[470]Le roy Clotaire entierement paisible, De toute Gaulle hors mys trouble nuysible, Voullant uzer de liberalité, Bonté privee et cordïalité, Manda vers luy sa noblesse, fournye [475]De fort honneste et belle baronnye. Et comme bruyt soudain en place court, Là se trouva une si grosse court, Que de seigneurs y eut terre couverte. Lors commanda tenir maison ouverte,

---

§Des liberalitez [480]Et feyt banquetz plantureux aprester, Pour grandz, moyens, et petitz bien traicter, Si que au plaisir et vueil de son entente, Bende n'y eust qui ne fust trés contente. Or avoit il la grace de tenir [485]Telle parolle, à gentz entretenir, Que tout vivant de bonne fantasie Trouvoit en luy doulceur et courtoisye. §De luy ne fut oncques homme engygné, N'estoit saige et bïen moriginé. [490]Bening, piteux, de bonne pacïence, Les gentz aymant de saine conscïence, Aux humbles doulx, courtoys et gracïeux, Dur, aygre et fier aux fiers et vicïeux, Il pugnissoit tout cryme et maleffice, [495]Il pourveoit d'office ou beneffice Ceulx qu'il sçavoit l'avoir bien desservy. Tant envers Dieu se rendit asservy, Qu'en sa pensee eut tousjours, sans contraincte, L'impressïon de son amour et craincte. [500]Tant qu'en ce cours terreste demoura, Religïon observee honnora.

---

§De Clotaire §Scïence ayma et gentz de bonne lettre. Il fut hardy fort preux et bien à dextre, Et n'est trouvé qu'en armes il ayt fait [505]Jamais ung tour de lasche et vil effect. Le mestier sceut de chasses bien conduyre Et se y voulut souventesfoiz desduyre. En cas piteux, privé ou general, Fut aulmosnier trés large et liberal. [510]Brief, comme au long sa geste dit et preuve, Ce fut ung roy de bien loyale espreuve. §Or, pour rentrer au propos devant mys, Aprés avoir festoyé ses amys, Il desploya tresors d'amples richesses, [515]Et leur monstra telz signes de largesses, Que à peine lors sceussent alleguer dons De plus pesans et sumptueux guerdons. §À ce Garnier, dont mencïon est faicte, Eut vollunté si trés bonne et affecte, [520]Qu'il l'establit à tiltre de bon heur De son palays prevost et gouverneur, Comme extimé avoir charge totale De sa cité et ville capitale.

---

§Folle suasion de Lendemond evesque §En Austrasie, institua Rhadon [525]Pour gouverneur, en Bourgongne Herpon, Qui furent d'eux notables preudes hommes. Dignes de avoir grosses charges et sommes, Fust temps de paix ou guerre, comme ceulx À bien ouvrer jamais non paresseux. [530]§Le .xxx^me. an du regne à ce Clotaire, Fut, aux Lombardz, le devoir tributaire Par luy quicte, dont ses predecesseurs, Depuis Gontran, furent vrays possesseurs. §Cause alleguer sur ce, n'y en sçay que une, [535]Cest que au moyen de certaine pecune Donnee à luy, sa debonnaireté Les myct à pleine et pure liberté. §En ce mesme an, comme plusieurs au monde, Sont empeschez du crime et vice immmunde, [540]Qui fraulde à dol, par trahyson semond. Le faulx evesque appelé Lendemond, À l'appetit du seducteur althee, Folle parolle, en son cueur, relatee, Ung jour, pensant parler discrettement, [545]Devers la royne alla secrettement,

---

§À la royne Luy conseillant, à plains coffres et bouges, Tous ses tresors faire porter à Bourges, Pour la raison que le roy, son mary, Dont neantmoins monstroit estre marry, [550]Devoit, selon fatale destinee, Comme il disoit, deceder ceste annee. Oultre luy dit que althee estoit seigneur Comblé de biens de vertuz et honneur, Et promettoit laisser sa propre femme [555]Pour l'espouser, sans y penser diffame, S'elle vouloit, aprés la mort du roy. À ce moyen, au train de noble arroy, Seroit tousjours haultement gouvernee, Et par deux foys en France couronnee. [560]§La bonne dame aprés avoir ouÿ Ce sot propos, sans non dire ne ouy, Prise de dueil, se gecta sur sa couche, Ainsi que faict celle que regret touche, Tant du despit qui asprement la mord, [565]Voyant ainsi pronostiquer la mort,. De son espoux, que pour l'aygreur trenchante D'estre extimee ainsi lasche et meschante,

---

§Althee proditeur Que son honneur voulsist mettre au destour De consentir faire au roy ung tel tour. [570]§Lors Lendemond, plein de malice caulte, Doubtant se veoir, pour ceste lourde faulte, À honte mys et deshonnesteté, Devers Austrase, homme de saincteté, Se retira, le prïant au roy faire [575]Humble requeste, affin que tel affaire Luy pardonnast, en quoy avoit mespris, Mettant sa foy à peu d'extime et pris. §Le bon preud'homme, aprés larmes piteuses, Ne feyt reffus sur ces choses doubteuses, [580]Ains tant requist le roy et supplïa, Que à pardonner ce mal conceu plya. Et qui plus est, fut content de permettre Celuy prelat en son siege remettre. Mais bien ayant consideracïon [585]À la menee et conspiracïon Du proditeur, devant nommé althee, Voulut la cause estre mise et traictee. Devant plusieurs legistes, gentz expers, Dont le procés, presentz les douze pers,

---

§Condampné à mort [590]Faict et conclud. Sa confessïon prise, Sur le deffault de si lourde mesprise, Fut declairé ,du cas magnifesté, Crime encouru de leze magesté. Lors, condampné à peyne capitalle, [595]Celle Attropos, furieuse fatalle, Trencha le fil, dont aultres criminelz Furent ce jour quant et luy terminez. §Deux femmes eut Clotaire : la premiere Fut Bergedrude et l'aultre puis derniere, [600]Sichilde eut nom. De l'une, Dagobert Son filz nasqit, et de l'aultre, Aribert. Aprés la mort de celle Bergedrude, Dont le dueil fut à luy fort dur et rude, Car bien l'aymoit et si faisoit chascun, [605]L'aultre espousa. Mais s'il y a quelc'un Disant devoir d'elles maison et race, Escripre icy endroict, saulve sa grace, Je ne puis pas en mettre ne coucher, Fors ce que voy la cronique en toucher. [610]§Or feyt le roy l'enffent  Dagobert mettre À discipline, et ordonna son maistre

---

Et precepteur, l'evesque lors de Metz, Non pour l'instruyre en plaisance orde, mais, En bonnes meurs et morale scïence, [615]Car homme estoit de lettre et conscïence. À tant le laisse et n'y vueil arrester, Pour cy aprés à mon propos traicter Quelque incident qui semble raisonnable En la matiere et assez convenable.

---

---

[465]§Qui trop au loing n'aura les yeulx espars, Icy verra Clotaire bonnes partz Donner aux siens en certaines provinces. Et en monstrant que honneur siet bien à princes, Vouldra quicter le tribut aux Lombardz.

§Chapitre iii^e.

[470]Le roy Clotaire entierement paisible, De toute Gaulle hors mys trouble nuysible, Voullant uzer de liberalité, Bonté privee et cordïalité, Manda vers luy sa noblesse, fournye [475]De fort honneste et belle baronnye. Et comme bruyt soudain en place court, Là se trouva une si grosse court, Que de seigneurs y eut terre couverte. Lors commanda tenir maison ouverte,

---

§Des liberalitez [480]Et feyt banquetz plantureux aprester, Pour grandz, moyens, et petitz bien traicter, Si que au plaisir et vueil de son entente, Bende n'y eust qui ne fust trés contente. Or avoit il la grace de tenir [485]Telle parolle, à gentz entretenir, Que tout vivant de bonne fantasie Trouvoit en luy doulceur et courtoisye. §De luy ne fut oncques homme engygné, N'estoit saige et bïen moriginé. [490]Bening, piteux, de bonne pacïence, Les gentz aymant de saine conscïence, Aux humbles doulx, courtoys et gracïeux, Dur, aygre et fier aux fiers et vicïeux, Il pugnissoit tout cryme et maleffice, [495]Il pourveoit d'office ou beneffice Ceulx qu'il sçavoit l'avoir bien desservy. Tant envers Dieu se rendit asservy, Qu'en sa pensee eut tousjours, sans contraincte, L'impressïon de son amour et craincte. [500]Tant qu'en ce cours terreste demoura, Religïon observee honnora.

---

§De Clotaire §Scïence ayma et gentz de bonne lettre. Il fut hardy fort preux et bien à dextre, Et n'est trouvé qu'en armes il ayt fait [505]Jamais ung tour de lasche et vil effect. Le mestier sceut de chasses bien conduyre Et se y voulut souventesfoiz desduyre. En cas piteux, privé ou general, Fut aulmosnier trés large et liberal. [510]Brief, comme au long sa geste dit et preuve, Ce fut ung roy de bien loyale espreuve. §Or, pour rentrer au propos devant mys, Aprés avoir festoyé ses amys, Il desploya tresors d'amples richesses, [515]Et leur monstra telz signes de largesses, Que à peine lors sceussent alleguer dons De plus pesans et sumptueux guerdons. §À ce Garnier, dont mencïon est faicte, Eut vollunté si trés bonne et affecte, [520]Qu'il l'establit à tiltre de bon heur De son palays prevost et gouverneur, Comme extimé avoir charge totale De sa cité et ville capitale.

---

§Folle suasion de Lendemond evesque §En Austrasie, institua Rhadon [525]Pour gouverneur, en Bourgongne Herpon, Qui furent d'eux notables preudes hommes. Dignes de avoir grosses charges et sommes, Fust temps de paix ou guerre, comme ceulx À bien ouvrer jamais non paresseux. [530]§Le .xxx^me. an du regne à ce Clotaire, Fut, aux Lombardz, le devoir tributaire Par luy quicte, dont ses predecesseurs, Depuis Gontran, furent vrays possesseurs. §Cause alleguer sur ce, n'y en sçay que une, [535]Cest que au moyen de certaine pecune Donnee à luy, sa debonnaireté Les myct à pleine et pure liberté. §En ce mesme an, comme plusieurs au monde, Sont empeschez du crime et vice immmunde, [540]Qui fraulde à dol, par trahyson semond. Le faulx evesque appelé Lendemond, À l'appetit du seducteur althee, Folle parolle, en son cueur, relatee, Ung jour, pensant parler discrettement, [545]Devers la royne alla secrettement,

---

§À la royne Luy conseillant, à plains coffres et bouges, Tous ses tresors faire porter à Bourges, Pour la raison que le roy, son mary, Dont neantmoins monstroit estre marry, [550]Devoit, selon fatale destinee, Comme il disoit, deceder ceste annee. Oultre luy dit que althee estoit seigneur Comblé de biens de vertuz et honneur, Et promettoit laisser sa propre femme [555]Pour l'espouser, sans y penser diffame, S'elle vouloit, aprés la mort du roy. À ce moyen, au train de noble arroy, Seroit tousjours haultement gouvernee, Et par deux foys en France couronnee. [560]§La bonne dame aprés avoir ouÿ Ce sot propos, sans non dire ne ouy, Prise de dueil, se gecta sur sa couche, Ainsi que faict celle que regret touche, Tant du despit qui asprement la mord, [565]Voyant ainsi pronostiquer la mort,. De son espoux, que pour l'aygreur trenchante D'estre extimee ainsi lasche et meschante,

---

§Althee proditeur Que son honneur voulsist mettre au destour De consentir faire au roy ung tel tour. [570]§Lors Lendemond, plein de malice caulte, Doubtant se veoir, pour ceste lourde faulte, À honte mys et deshonnesteté, Devers Austrase, homme de saincteté, Se retira, le prïant au roy faire [575]Humble requeste, affin que tel affaire Luy pardonnast, en quoy avoit mespris, Mettant sa foy à peu d'extime et pris. §Le bon preud'homme, aprés larmes piteuses, Ne feyt reffus sur ces choses doubteuses, [580]Ains tant requist le roy et supplïa, Que à pardonner ce mal conceu plya. Et qui plus est, fut content de permettre Celuy prelat en son siege remettre. Mais bien ayant consideracïon [585]À la menee et conspiracïon Du proditeur, devant nommé althee, Voulut la cause estre mise et traictee. Devant plusieurs legistes, gentz expers, Dont le procés, presentz les douze pers,

---

§Condampné à mort [590]Faict et conclud. Sa confessïon prise, Sur le deffault de si lourde mesprise, Fut declairé ,du cas magnifesté, Crime encouru de leze magesté. Lors, condampné à peyne capitalle, [595]Celle Attropos, furieuse fatalle, Trencha le fil, dont aultres criminelz Furent ce jour quant et luy terminez. §Deux femmes eut Clotaire : la premiere Fut Bergedrude et l'aultre puis derniere, [600]Sichilde eut nom. De l'une, Dagobert Son filz nasqit, et de l'aultre, Aribert. Aprés la mort de celle Bergedrude, Dont le dueil fut à luy fort dur et rude, Car bien l'aymoit et si faisoit chascun, [605]L'aultre espousa. Mais s'il y a quelc'un Disant devoir d'elles maison et race, Escripre icy endroict, saulve sa grace, Je ne puis pas en mettre ne coucher, Fors ce que voy la cronique en toucher. [610]§Or feyt le roy l'enffent  Dagobert mettre À discipline, et ordonna son maistre

---

Et precepteur, l'evesque lors de Metz, Non pour l'instruyre en plaisance orde, mais, En bonnes meurs et morale scïence, [615]Car homme estoit de lettre et conscïence. À tant le laisse et n'y vueil arrester, Pour cy aprés à mon propos traicter Quelque incident qui semble raisonnable En la matiere et assez convenable.