Livre III - Chapitre 27
Prologue en vers | Chapitre 1 | Chapitre 2 | Chapitre 3 | Chapitre 4 | Chapitre 5 | Chapitre 6 | Chapitre 7 | Chapitre 8 | Chapitre 9 | Chapitre 10 | Chapitre 11 | Chapitre 12 | Chapitre 13 | Chapitre 14 | Chapitre 15 | Chapitre 16 | Chapitre 17 | Chapitre 18 | Chapitre 19 | Chapitre 20 | Chapitre 21 | Chapitre 22 | Chapitre 23 | Chapitre 24 | Chapitre 25 | Chapitre 26 | Chapitre 27 | Chapitre 28 | Chapitre 29 | Chapitre 30 | Chapitre 31 | Chapitre 32 | Chapitre 33
105v
§Pour le propoz entierement reprendre. [4155]Que auons laiſſe / et les geſtes comprendre. Du filz pepin nomme carles martel. Nous le pourrons dire amy de mars tel. Quil ſceut fort bien lart militaire apprendre.
§Chapitre xxuiie.
106r
§Guerre eſmeue par carles martel.106v AInſi que on voyt de marteaulx marteler. [4160]Maſſes de fer / tailler / eſcarteler. Et aplatir comme a foꝛce on martelle. Les fers au feu de guerre aſpꝛe et moꝛtelle. Ce carles myct / et ſoubz ladueu de mars. Deſployant doꝛ et dargent pluſieurs margs. [4165]Par ſa vertu et pꝛoueſſe acomplye. Tant martela quil rendit aſſouplye. Mainte contree / et durs cueurs feyt ſi doulx. Que ainſi martel fut ſurnomme de tous. Oꝛ eut tantoſt lentrepꝛiſe choiſye. [4170]De recouurer en france et auſtraſye. Le nom / lhonneur / et la pꝛoſperite. De gouuerneur en telle auctoꝛite. Que auoit long temps ſon feu pere occupee. Loꝛs par celuy raganfrede vſurpee. [4175]Lequel ſi bien chilperich gouuernoit. Que le royaumne a ſon plaiſir menoit. Charles voulant ſur ce mener ſa poincte. Comme en tel caz cueur deſireux ſe apoincte.
§Encontre chilperich. 107r Pour ſe monſtrer et eſtre au choc bailler. [4180]Riche marchand ou poure poulailler. Se myct aux champs / cherchant a lauenture Le ſoꝛt heureux de foꝛtune future. Son oſt fourny de genſdarmes empliz. Du hardement que ont ſouldardz acompliz [4185]Et adextrez / ou na quelque repꝛoche. Delibera faire ſoudaine appꝛoche. Sur chilperich qui de ſa part auſſi Pꝛint en ſon cueur laboꝛieux ſoucy. Et conuya rabolde duc de friſe. [4190]En le pꝛiant quil layde et fauoꝛiſe. De pꝛompt ſecours ſelon le conuenant. Duquel deuoit eſtre bien ſouuenant. Veu le lyen de leur foy adheree. A vnyon damour confederee. [4195]§Incontinent furent de toutes partz. Ioinctz et ſerrez / les genſdarmes eſpars. Tant dvne part que daultre / feirent raige. Deſcarmoucher par gꝛand et fier couraige. Se lvng donna franchement au deſtour [4200]Laultre ſeeut bien luy rendꝛe ſon retour.
§Bataille entre carles martel.107v Lvng fut deſpit / laultre eut
§Chilperich et raganfrede. 108r Et que les foꝛtz ou foibles belliqueurs. Se trouuent eſtre ou vaincuz / ou vainqueurs [4225]Oꝛ en eſtrif de ſi eſtrange ſoꝛte. Conuiēt / que lvng demeure et laultre ſoꝛte. Dont foꝛce fut au foible lieu ceder. Au plus puiſſant et de fuytte ſe ayder. La chilperich rabolde et raganfrede. [4230]Fiebure / en fuyant / tremblerent chaulde & froide. Dont demoura carles victoꝛieux. Ce nonobſtant furent toſt curieux. Recours auoir / et pꝛompt refuge aux armes. Pour de rechef luy donner gꝛos alarmes. [4235]§Eude le roy de gaſcongne en ce cours. Se tranſpoꝛta et vint a leur ſecours. Auecques luy vne armee aſſez fiere Pour ne doubter le peril ou ſe fiere. Loꝛs pꝛes vimeu pays de cambꝛeſis. [4240]Gentz/aſſemblez et deſlite choiſiz. Penſerent bien / donner lourde repouſſe. Si neurent dꝛap ſinon a laulne et poulſe. Car ſe leur cueur fut chauld et foꝛt bouillāt. Charles monſtra poꝛt dhomme ſi vaillant.
§Eude chilperich et raganfrede.108v [4245]Que au dur conflict de lauſtere bataille. Leur myct en lœil ſoudain la pouldꝛe et paille. Loſt contraignant diligenter ſes pas. Mais pour en dire au vray ie ne ſcay pas. Se la querelle eſtoit iuſte ou inique. [4250]Dieu ſcet cela / ſi ay leu en cronique. Que luy vainqueur / tous leurs trainesbarrilz Mena battant foꝛt loing oultre paris. §Ce roy gaſcon Eude voulut pourſuyure. Si ne luy fut poſſible la conſuyure. [4255]Chilperich feyt quant et luy tranſpoꝛter. Et ſes treſoꝛs en gaſcongne poꝛter. De raganfrede a peu pꝛouffit et gloire. Fuyant au long la riuiere de loyꝛe. Penſant du tout eſuiter les dangiers. [4260]Se alla getter en la cite dangiers. Qui fut tantoſt du pꝛince carles pꝛiſe Et loꝛs vzant de clemence que on pꝛiſe. A ſon heyneux feyt tour que hommes humaīs Font voulentiers luy laiſſant en ſes mains. [4265]Celle cite comme choſe loyſible. Den demourer vray poſſeſſeur paiſible.
§Vaincuz par carles martel 109r Ce fut vng tour par raiſon limite. A la vertu de magnaninite. §Oꝛ deuinez ſi en celle victoire. [4270]Eut gꝛoſſe pꝛoye / Il eſt aſſez notoire. Quen la deſpouille acquiſt foꝛt bon butin. Quil diuiſa / ſans noyſe ne hutin. Par liberale et franche courtoiſye. §Cela faict / tire / es marches dauſtraſie. [4275]Paſſant le rhin conqueſta pluſieurs lieux. En germanye / et ces gꝛos oꝛgueilleux. Saxons vainquit / plus oultre la riuiere. De danubie / obtint ceulx de bauiere. Les alemans et foꝛtz elueciens. [4280]Tous ſubiugua / de la / quant et les ſiens. Pour amplement parfaire ſa beſongne. Trouua moyen entrer dedans coulongne. Ou fut receu / a ioye et gꝛos honneur. Comme ſeul pꝛince et total gouuerneur. [4285]Plectrude la / eſtoit / ſa belle mere. Qui du venir receut nouuelle amere. Le redoubtant / par ce que laultre eſte Lauoit ſi mal / et durement traicte.
§Eude roy de gaſcongne enuoye.109v Mais pour cela ne luy feyt pire chere. [4290]Ains la traicta comme ſa dame chere. Et lemmena en france ou lieu eſleut. Pour ſon ſeiour tout tel quelle voulut. Luy recouurant / telle pꝛeheminence. Dhonneur credit / et pareille eminence. [4295]Dont ſon feu pere auoit iouy long temps. Furent foꝛt bien eſiouyz et contentz. Ceulx des pays dauſtraſye et de france. Diſantz auoir heureuſe recouurance. En homme tel / pour peuple maintenir. [4300]Et les haultz faictz des armes ſouſtenir. §Loꝛs eude roy de gaſcongne par craincte. Que auoit de luy receuoir quelque eſtraīcte. Veu que on ne peult ſeure paix eſperer. Dvng ennemy ſe voyant pꝛoſperer. [4305]Conſiderant que peccune appaiſe homme. Luy enuoya vne bien bonne ſomme. Des treſoꝛs pꝛis / et chilperich rendit. Entre ſes mains / iurant luy eſtre / en dict. Et par effect / vray amy fauoꝛable. [4310]Encontre tous / et ſuppoꝛt ſecourable.
§§Chilperich et treſors a carles. 110r §Foy adiouxtant a ſon dire / luy ſceut. Si tresbon gꝛe que chilperich receut. Et leſtablit en ſon regne paiſible. Mais peu dura / Car moꝛt aux gꝛandz nuyſible [4315]Comme aux petitz / bien toſt le pꝛint au bꝛic. §Luy decede / fut faict roy theodoꝛich. Filz dagobert / puis childerich en compte. Apꝛes viendꝛa / mais ſe deulx ne raconte. Cauſe meſmneut ny deuoir arreſter. [4320]Car il conuient / des matieres traicter. Selon les caz arduz et faictz notables. Dignes dauoir pleine aſſiette en noz tables.
Afficher les surlignagesMasquer les surlignagesAfficher les appels de collationsMasquer les appels de collationsAfficher les appels de notesMasquer les appels de notes
§Pour le propoz entierement reprendre. [4155]Que avons laissé et les gestes comprendre. Du filz Pepin nommé Carles Martel. Nous le pourrons dire amy de Mars tel. Qu'il sceut fort bien l'art militaire apprendre.
§Chapitre xxvije.
§Guerre esmeue par Carles Martel Ainsi que on voyt de marteaulx marteler. [4160]Masses de fer tailler escarteler. Et aplatir comme à force on Martelle. Les fers au feu de guerre aspre et mortelle. Ce Carles myct et soubz l'adveu de Mars. Desployant d'or et d'argent plusieurs margs. [4165]Par sa vertu et prouësse acomplye. Tant martela qu'il rendit assouplye. Mainte contree et durs cueurs feyt si doulx. Que ainsi Martel fut surnommé de tous. Or eut tantost l'entreprise choisye. [4170]De recouvrer en France et Austrasye. Le nom l'honneur et la prosperité. De gouverneur en telle auctorité. Que avoit long temps son feu pere occupee. Lors par celuy Raganfrede usurpee. [4175]Lequel si bien Chilperich gouvernoit. Que le royaumne à son plaisir menoit. Charles voulant sur ce mener sa poincte. Comme en tel caz cueur desireux se apoincte.
§Encontre Chilperich Pour se monstrer et estre au choc bailler. [4180]Riche marchand ou povre poulailler. Se myct aux champs cherchant à l'aventure Le sort heureux de Fortune future. Son ost fourny de gensdarmes empliz. Du hardement que ont souldardz acompliz [4185]Et adextrez où n'a quelque reproche. Delibera faire soudaine approche. Sur Chilperich qui de sa part aussi Print en son cueur laborieux soucy. Et convya Rabolde duc de Frise. [4190]En le prïant qu'il l'ayde et favorise. De prompt secours selon le convenant. Duquel devoit estre bien souvenant. Veu le lÿen de leur foy adheree. À unyon d'amour confederee. [4195]§Incontinent furent de toutes partz. Joinctz et serrez les gensdarmes espars. Tant d'une part que d'aultre feirent raige. D'escarmoucher par grand et fier couraige. Se l'ung donna franchement au destour [4200]L'aultre seeut bien luy rendre son retour.
§Bataille entre Carles Martel L'ung fut despit l'aultre eut teste fumeuse. Lors Chilperich vers le fieuue de Meuse . Pris Raganfrede aveq luy grand prevost. Et gouverneur feyt marcher tout son ost. [4205]Pour joindre près la bende au duc de Frise. Charles voyant qu'il fault que ces œufz frise. Pour chauldement de l'affaire ordonner. Alla sur eulx une charge donner. Et au choquer comme l'heur depart erre. [4210]De bon espoir tant de gentz myct par terre. Que l'avantgarde en ung instant fendit. Là le Frison si bien se deffendit. Qu'il contraigint faire sonner retraicte. À ce Martel qui sceut sans longue traite. [4215]Gentz ralyer et si bien rassembler. Qu'en rechargeant feyt la terre sembler. Droict là tumber forte tempeste et fouldre. Adonq parmy l'espoisseur de la pouldre. Fut bataillé et si fort combatu. [4220]Que l'ung des ostz une heure estoit batu. Et à la foiz avoit l'aultre du pire. Comme en tel caz on amende et empire.
§Chilperich et Raganfrede Et que les fortz ou foibles belliqueurs. Se trouvent estre ou vaincuz ou vainqueurs [4225]Or en estrif de si estrange sorte. Convient que l'ung demeure et l'aultre sorte. Dont force fut au foible lieu ceder. Au plus puissant et de fuytte se ayder. Là Chilperich Rabolde et Raganfrede. [4230]Fiebvre en fuyant tremblerent chaulde et froide. Dont demoura Carles victorieux. Ce nonobstant furent tost curïeux. Recours avoir et prompt refuge aux armes. Pour de rechef luy donner gros alarmes. [4235]§Eude le roy de Gascongne en ce cours. Se transporta et vint à leur secours. Avecques luy une armee assez fiere Pour ne doubter le peril où se fiere. Lors près Vimeu paÿs de Cambresis. [4240]Gentz assemblez et d'eslite choisiz. Penserent bien donner lourde repousse. Si n'eurent drap sinon à l'aulne et poulse. Car se leur cueur fut chauld et fort bouillant. Charles monstra port d'homme si vaillant.
§Eude Chilperich et Raganfrede [4245]Que au dur conflict de l'austere bataille. Leur myct en l'œil soudain la pouldre et paille. L'ost contraignant diligenter ses pas. Mais pour en dire au vray je ne sçay pas. Se la querelle estoit juste ou inique. [4250]Dieu scet cela si ay leu en cronique. Que luy vainqueur tous leurs traines-barrilz Mena battant fort loing oultre Paris. §Ce roy gascon Eude voulut poursuyvre. Si ne luy fut possible là consuyvre. [4255]Chilperich feyt quant et luy transporter. Et ses tresors en Gascongne porter. De Raganfrede à peu prouffit et gloire. Fuyant au long la riviere de Loyre. Pensant du tout esviter les dangiers. [4260]Se alla getter en la cité d'Angiers. Qui fut tantost du prince Carles prise Et lors uzant de clemence que on prise. À son heyneux feyt tour que hommes humains Font voulentiers luy laissant en ses mains. [4265]Celle cité comme chose loysible. D'en demourer vray possesseur paisible.
§Vaincuz par Carles Martel Ce fut ung tour par raison limité. À la vertu de magnaninité. §Or devinez si en celle victoire. [4270]Eut grosse proye Il est assez notoire. Qu'en la despouille acquist fort bon butin. Qu'il divisa sans noyse ne hutin. Par liberale et franche courtoisye. §Cela faict tire ès marches d'Austrasie. [4275]Passant le Rhin conquesta plusieurs lieux. En Germanye et ces gros orgueilleux. Saxons vainquit plus oultre la riviere. De Danubie obtint ceulx de Baviere. Les Alemans et fortz Elveciens. [4280]Tous subjugua de là quant et les siens. Pour amplement parfaire sa besongne. Trouva moyen entrer dedans Coulongne. Où fut receu à joye et gros honneur. Comme seul prince et total gouverneur. [4285]Plectrude là estoit sa belle mere. Qui du venir receut nouvelle amere. Le redoubtant par ce que l'aultre esté L'avoit si mal et durement traicté.
§Eude roy de Gascongne envoye Mais pour cela ne luy feyt pire chere. [4290]Ains la traicta comme sa dame chere. Et l'emmena en France où lieu esleut. Pour son sejour tout tel qu'elle voulut. Luy recouvrant telle preheminence. D'honneur credit et pareille eminence. [4295]Dont son feu pere avoit jouy long temps. Furent fort bien esjouyz et contentz. Ceulx des paÿs d'Austrasye et de France. Disantz avoir heureuse recouvrance. En homme tel pour peuple maintenir. [4300]Et les haultz faictz des armes soustenir. §Lors Eude roy de Gascongne par craincte. Que avoit de luy recevoir quelque estraincte. Veu que on ne peult seure paix esperer. D'ung ennemy se voyant prosperer. [4305]Considerant que peccune appaisé homme. Luy envoya une bien bonne somme. Des tresors pris et Chilperich rendit. Entre ses mains jurant luy estre en dict. Et par effect vray amy favorable. [4310]Encontre tous et support secourable.
§§Chilperich et tresors à Carles §Foy adjouxtant à son dire luy sceut. Si trés bon gré que Chilperich receut. Et l'establit en son regne paisible. Mais peu dura Car mort aux grandz nuysible [4315]Comme aux petitz bien tost le print au bric. §Luy decedé fut faict roy Theodorich. Filz Dagobert puis Childerich en compte. Aprés viendra mais se d'eulx ne raconte. Cause m'esmneut n'y devoir arrester. [4320]Car il convient des matieres traicter. Selon les caz arduz et faictz notables. Dignes d'avoir pleine assiette en noz tables.
105v
§Pour le propoz entierement reprendre. [4155]Que auons laiſſe / et les geſtes comprendre. Du filz pepin nomme carles martel. Nous le pourrons dire amy de mars tel. Quil ſceut fort bien lart militaire apprendre.
§Chapitre xxuiie.
106r
§Guerre eſmeue par carles martel.106v AInſi que on voyt de marteaulx marteler. [4160]Maſſes de fer / tailler / eſcarteler. Et aplatir comme a foꝛce on martelle. Les fers au feu de guerre aſpꝛe et moꝛtelle. Ce carles myct / et ſoubz ladueu de mars. Deſployant doꝛ et dargent pluſieurs margs. [4165]Par ſa vertu et pꝛoueſſe acomplye. Tant martela quil rendit aſſouplye. Mainte contree / et durs cueurs feyt ſi doulx. Que ainſi martel fut ſurnomme de tous. Oꝛ eut tantoſt lentrepꝛiſe choiſye. [4170]De recouurer en france et auſtraſye. Le nom / lhonneur / et la pꝛoſperite. De gouuerneur en telle auctoꝛite. Que auoit long temps ſon feu pere occupee. Loꝛs par celuy raganfrede vſurpee. [4175]Lequel ſi bien chilperich gouuernoit. Que le royaumne a ſon plaiſir menoit. Charles voulant ſur ce mener ſa poincte. Comme en tel caz cueur deſireux ſe apoincte.
§Encontre chilperich. 107r Pour ſe monſtrer et eſtre au choc bailler. [4180]Riche marchand ou poure poulailler. Se myct aux champs / cherchant a lauenture Le ſoꝛt heureux de foꝛtune future. Son oſt fourny de genſdarmes empliz. Du hardement que ont ſouldardz acompliz [4185]Et adextrez / ou na quelque repꝛoche. Delibera faire ſoudaine appꝛoche. Sur chilperich qui de ſa part auſſi Pꝛint en ſon cueur laboꝛieux ſoucy. Et conuya rabolde duc de friſe. [4190]En le pꝛiant quil layde et fauoꝛiſe. De pꝛompt ſecours ſelon le conuenant. Duquel deuoit eſtre bien ſouuenant. Veu le lyen de leur foy adheree. A vnyon damour confederee. [4195]§Incontinent furent de toutes partz. Ioinctz et ſerrez / les genſdarmes eſpars. Tant dvne part que daultre / feirent raige. Deſcarmoucher par gꝛand et fier couraige. Se lvng donna franchement au deſtour [4200]Laultre ſeeut bien luy rendꝛe ſon retour.
§Bataille entre carles martel.107v Lvng fut deſpit / laultre eut
§Chilperich et raganfrede. 108r Et que les foꝛtz ou foibles belliqueurs. Se trouuent eſtre ou vaincuz / ou vainqueurs [4225]Oꝛ en eſtrif de ſi eſtrange ſoꝛte. Conuiēt / que lvng demeure et laultre ſoꝛte. Dont foꝛce fut au foible lieu ceder. Au plus puiſſant et de fuytte ſe ayder. La chilperich rabolde et raganfrede. [4230]Fiebure / en fuyant / tremblerent chaulde & froide. Dont demoura carles victoꝛieux. Ce nonobſtant furent toſt curieux. Recours auoir / et pꝛompt refuge aux armes. Pour de rechef luy donner gꝛos alarmes. [4235]§Eude le roy de gaſcongne en ce cours. Se tranſpoꝛta et vint a leur ſecours. Auecques luy vne armee aſſez fiere Pour ne doubter le peril ou ſe fiere. Loꝛs pꝛes vimeu pays de cambꝛeſis. [4240]Gentz/aſſemblez et deſlite choiſiz. Penſerent bien / donner lourde repouſſe. Si neurent dꝛap ſinon a laulne et poulſe. Car ſe leur cueur fut chauld et foꝛt bouillāt. Charles monſtra poꝛt dhomme ſi vaillant.
§Eude chilperich et raganfrede.108v [4245]Que au dur conflict de lauſtere bataille. Leur myct en lœil ſoudain la pouldꝛe et paille. Loſt contraignant diligenter ſes pas. Mais pour en dire au vray ie ne ſcay pas. Se la querelle eſtoit iuſte ou inique. [4250]Dieu ſcet cela / ſi ay leu en cronique. Que luy vainqueur / tous leurs trainesbarrilz Mena battant foꝛt loing oultre paris. §Ce roy gaſcon Eude voulut pourſuyure. Si ne luy fut poſſible la conſuyure. [4255]Chilperich feyt quant et luy tranſpoꝛter. Et ſes treſoꝛs en gaſcongne poꝛter. De raganfrede a peu pꝛouffit et gloire. Fuyant au long la riuiere de loyꝛe. Penſant du tout eſuiter les dangiers. [4260]Se alla getter en la cite dangiers. Qui fut tantoſt du pꝛince carles pꝛiſe Et loꝛs vzant de clemence que on pꝛiſe. A ſon heyneux feyt tour que hommes humaīs Font voulentiers luy laiſſant en ſes mains. [4265]Celle cite comme choſe loyſible. Den demourer vray poſſeſſeur paiſible.
§Vaincuz par carles martel 109r Ce fut vng tour par raiſon limite. A la vertu de magnaninite. §Oꝛ deuinez ſi en celle victoire. [4270]Eut gꝛoſſe pꝛoye / Il eſt aſſez notoire. Quen la deſpouille acquiſt foꝛt bon butin. Quil diuiſa / ſans noyſe ne hutin. Par liberale et franche courtoiſye. §Cela faict / tire / es marches dauſtraſie. [4275]Paſſant le rhin conqueſta pluſieurs lieux. En germanye / et ces gꝛos oꝛgueilleux. Saxons vainquit / plus oultre la riuiere. De danubie / obtint ceulx de bauiere. Les alemans et foꝛtz elueciens. [4280]Tous ſubiugua / de la / quant et les ſiens. Pour amplement parfaire ſa beſongne. Trouua moyen entrer dedans coulongne. Ou fut receu / a ioye et gꝛos honneur. Comme ſeul pꝛince et total gouuerneur. [4285]Plectrude la / eſtoit / ſa belle mere. Qui du venir receut nouuelle amere. Le redoubtant / par ce que laultre eſte Lauoit ſi mal / et durement traicte.
§Eude roy de gaſcongne enuoye.109v Mais pour cela ne luy feyt pire chere. [4290]Ains la traicta comme ſa dame chere. Et lemmena en france ou lieu eſleut. Pour ſon ſeiour tout tel quelle voulut. Luy recouurant / telle pꝛeheminence. Dhonneur credit / et pareille eminence. [4295]Dont ſon feu pere auoit iouy long temps. Furent foꝛt bien eſiouyz et contentz. Ceulx des pays dauſtraſye et de france. Diſantz auoir heureuſe recouurance. En homme tel / pour peuple maintenir. [4300]Et les haultz faictz des armes ſouſtenir. §Loꝛs eude roy de gaſcongne par craincte. Que auoit de luy receuoir quelque eſtraīcte. Veu que on ne peult ſeure paix eſperer. Dvng ennemy ſe voyant pꝛoſperer. [4305]Conſiderant que peccune appaiſe homme. Luy enuoya vne bien bonne ſomme. Des treſoꝛs pꝛis / et chilperich rendit. Entre ſes mains / iurant luy eſtre / en dict. Et par effect / vray amy fauoꝛable. [4310]Encontre tous / et ſuppoꝛt ſecourable.
§§Chilperich et treſors a carles. 110r §Foy adiouxtant a ſon dire / luy ſceut. Si tresbon gꝛe que chilperich receut. Et leſtablit en ſon regne paiſible. Mais peu dura / Car moꝛt aux gꝛandz nuyſible [4315]Comme aux petitz / bien toſt le pꝛint au bꝛic. §Luy decede / fut faict roy theodoꝛich. Filz dagobert / puis childerich en compte. Apꝛes viendꝛa / mais ſe deulx ne raconte. Cauſe meſmneut ny deuoir arreſter. [4320]Car il conuient / des matieres traicter. Selon les caz arduz et faictz notables. Dignes dauoir pleine aſſiette en noz tables.
Afficher les surlignagesMasquer les surlignagesAfficher les appels de collationsMasquer les appels de collationsAfficher les appels de notesMasquer les appels de notes
§Pour le propoz entierement reprendre. [4155]Que avons laissé et les gestes comprendre. Du filz Pepin nommé Carles Martel. Nous le pourrons dire amy de Mars tel. Qu'il sceut fort bien l'art militaire apprendre.
§Chapitre xxvije.
§Guerre esmeue par Carles Martel Ainsi que on voyt de marteaulx marteler. [4160]Masses de fer tailler escarteler. Et aplatir comme à force on Martelle. Les fers au feu de guerre aspre et mortelle. Ce Carles myct et soubz l'adveu de Mars. Desployant d'or et d'argent plusieurs margs. [4165]Par sa vertu et prouësse acomplye. Tant martela qu'il rendit assouplye. Mainte contree et durs cueurs feyt si doulx. Que ainsi Martel fut surnommé de tous. Or eut tantost l'entreprise choisye. [4170]De recouvrer en France et Austrasye. Le nom l'honneur et la prosperité. De gouverneur en telle auctorité. Que avoit long temps son feu pere occupee. Lors par celuy Raganfrede usurpee. [4175]Lequel si bien Chilperich gouvernoit. Que le royaumne à son plaisir menoit. Charles voulant sur ce mener sa poincte. Comme en tel caz cueur desireux se apoincte.
§Encontre Chilperich Pour se monstrer et estre au choc bailler. [4180]Riche marchand ou povre poulailler. Se myct aux champs cherchant à l'aventure Le sort heureux de Fortune future. Son ost fourny de gensdarmes empliz. Du hardement que ont souldardz acompliz [4185]Et adextrez où n'a quelque reproche. Delibera faire soudaine approche. Sur Chilperich qui de sa part aussi Print en son cueur laborieux soucy. Et convya Rabolde duc de Frise. [4190]En le prïant qu'il l'ayde et favorise. De prompt secours selon le convenant. Duquel devoit estre bien souvenant. Veu le lÿen de leur foy adheree. À unyon d'amour confederee. [4195]§Incontinent furent de toutes partz. Joinctz et serrez les gensdarmes espars. Tant d'une part que d'aultre feirent raige. D'escarmoucher par grand et fier couraige. Se l'ung donna franchement au destour [4200]L'aultre seeut bien luy rendre son retour.
§Bataille entre Carles Martel L'ung fut despit l'aultre eut teste fumeuse. Lors Chilperich vers le fieuue de Meuse . Pris Raganfrede aveq luy grand prevost. Et gouverneur feyt marcher tout son ost. [4205]Pour joindre près la bende au duc de Frise. Charles voyant qu'il fault que ces œufz frise. Pour chauldement de l'affaire ordonner. Alla sur eulx une charge donner. Et au choquer comme l'heur depart erre. [4210]De bon espoir tant de gentz myct par terre. Que l'avantgarde en ung instant fendit. Là le Frison si bien se deffendit. Qu'il contraigint faire sonner retraicte. À ce Martel qui sceut sans longue traite. [4215]Gentz ralyer et si bien rassembler. Qu'en rechargeant feyt la terre sembler. Droict là tumber forte tempeste et fouldre. Adonq parmy l'espoisseur de la pouldre. Fut bataillé et si fort combatu. [4220]Que l'ung des ostz une heure estoit batu. Et à la foiz avoit l'aultre du pire. Comme en tel caz on amende et empire.
§Chilperich et Raganfrede Et que les fortz ou foibles belliqueurs. Se trouvent estre ou vaincuz ou vainqueurs [4225]Or en estrif de si estrange sorte. Convient que l'ung demeure et l'aultre sorte. Dont force fut au foible lieu ceder. Au plus puissant et de fuytte se ayder. Là Chilperich Rabolde et Raganfrede. [4230]Fiebvre en fuyant tremblerent chaulde et froide. Dont demoura Carles victorieux. Ce nonobstant furent tost curïeux. Recours avoir et prompt refuge aux armes. Pour de rechef luy donner gros alarmes. [4235]§Eude le roy de Gascongne en ce cours. Se transporta et vint à leur secours. Avecques luy une armee assez fiere Pour ne doubter le peril où se fiere. Lors près Vimeu paÿs de Cambresis. [4240]Gentz assemblez et d'eslite choisiz. Penserent bien donner lourde repousse. Si n'eurent drap sinon à l'aulne et poulse. Car se leur cueur fut chauld et fort bouillant. Charles monstra port d'homme si vaillant.
§Eude Chilperich et Raganfrede [4245]Que au dur conflict de l'austere bataille. Leur myct en l'œil soudain la pouldre et paille. L'ost contraignant diligenter ses pas. Mais pour en dire au vray je ne sçay pas. Se la querelle estoit juste ou inique. [4250]Dieu scet cela si ay leu en cronique. Que luy vainqueur tous leurs traines-barrilz Mena battant fort loing oultre Paris. §Ce roy gascon Eude voulut poursuyvre. Si ne luy fut possible là consuyvre. [4255]Chilperich feyt quant et luy transporter. Et ses tresors en Gascongne porter. De Raganfrede à peu prouffit et gloire. Fuyant au long la riviere de Loyre. Pensant du tout esviter les dangiers. [4260]Se alla getter en la cité d'Angiers. Qui fut tantost du prince Carles prise Et lors uzant de clemence que on prise. À son heyneux feyt tour que hommes humains Font voulentiers luy laissant en ses mains. [4265]Celle cité comme chose loysible. D'en demourer vray possesseur paisible.
§Vaincuz par Carles Martel Ce fut ung tour par raison limité. À la vertu de magnaninité. §Or devinez si en celle victoire. [4270]Eut grosse proye Il est assez notoire. Qu'en la despouille acquist fort bon butin. Qu'il divisa sans noyse ne hutin. Par liberale et franche courtoisye. §Cela faict tire ès marches d'Austrasie. [4275]Passant le Rhin conquesta plusieurs lieux. En Germanye et ces gros orgueilleux. Saxons vainquit plus oultre la riviere. De Danubie obtint ceulx de Baviere. Les Alemans et fortz Elveciens. [4280]Tous subjugua de là quant et les siens. Pour amplement parfaire sa besongne. Trouva moyen entrer dedans Coulongne. Où fut receu à joye et gros honneur. Comme seul prince et total gouverneur. [4285]Plectrude là estoit sa belle mere. Qui du venir receut nouvelle amere. Le redoubtant par ce que l'aultre esté L'avoit si mal et durement traicté.
§Eude roy de Gascongne envoye Mais pour cela ne luy feyt pire chere. [4290]Ains la traicta comme sa dame chere. Et l'emmena en France où lieu esleut. Pour son sejour tout tel qu'elle voulut. Luy recouvrant telle preheminence. D'honneur credit et pareille eminence. [4295]Dont son feu pere avoit jouy long temps. Furent fort bien esjouyz et contentz. Ceulx des paÿs d'Austrasye et de France. Disantz avoir heureuse recouvrance. En homme tel pour peuple maintenir. [4300]Et les haultz faictz des armes soustenir. §Lors Eude roy de Gascongne par craincte. Que avoit de luy recevoir quelque estraincte. Veu que on ne peult seure paix esperer. D'ung ennemy se voyant prosperer. [4305]Considerant que peccune appaisé homme. Luy envoya une bien bonne somme. Des tresors pris et Chilperich rendit. Entre ses mains jurant luy estre en dict. Et par effect vray amy favorable. [4310]Encontre tous et support secourable.
§§Chilperich et tresors à Carles §Foy adjouxtant à son dire luy sceut. Si trés bon gré que Chilperich receut. Et l'establit en son regne paisible. Mais peu dura Car mort aux grandz nuysible [4315]Comme aux petitz bien tost le print au bric. §Luy decedé fut faict roy Theodorich. Filz Dagobert puis Childerich en compte. Aprés viendra mais se d'eulx ne raconte. Cause m'esmneut n'y devoir arrester. [4320]Car il convient des matieres traicter. Selon les caz arduz et faictz notables. Dignes d'avoir pleine assiette en noz tables.