Livre III - Chapitre 21

Prologue en vers | Chapitre 1 | Chapitre 2 | Chapitre 3 | Chapitre 4 | Chapitre 5 | Chapitre 6 | Chapitre 7 | Chapitre 8 | Chapitre 9 | Chapitre 10 | Chapitre 11 | Chapitre 12 | Chapitre 13 | Chapitre 14 | Chapitre 15 | Chapitre 16 | Chapitre 17 | Chapitre 18 | Chapitre 19 | Chapitre 20 | Chapitre 21 | Chapitre 22 | Chapitre 23 | Chapitre 24 | Chapitre 25 | Chapitre 26 | Chapitre 27 | Chapitre 28 | Chapitre 29 | Chapitre 30 | Chapitre 31 | Chapitre 32 | Chapitre 33

86v

§En reprenant vng incident obmys. Du filz pepin Orymouauld ſera mys. Comme voulut par fole fantaſye. Faire hildebert ſon filz roy Dauſtraſye. [3410]Dont ſe trouua a honte et mort ſubmys.
§Chapitre.xxie.e.
QUant ce pepin le bon et vaillāt conte. Fut decede / Sygibert faiſoit compte. Que grimouauld ſon filz deuroit tenir. De ſes vertuz ſemblable contenir. [3415]Donq lextimant cōme luy bon homme eſtre. Linſtitua du palays chef et maiſtre. En luy donnant eſtat et credit tel. Que auoit le pere en ſon royal hoſtel. Et qui plus eſt voulut charge totale.
§Et ſon filz occis. 87r [3420]Luy oꝛdonner et garde pꝛincipale. De dagobert / ſon filz / en eſperer. Que apꝛes luy deubſt regner et pꝛoſperer. Mais le faulx traytre vzant de foy mentye. Sa leaulte rendit toſt deſmentie. [3425]Car quant il vit que ce roy eut paſſe. Le paz moꝛtel / deſir mal compaſſe. Par le ſoufflet du foꝛt vent / qui attize. Bꝛazier ardant de male conuoitiſe. Tant lenflemma que ſon filz hildebert. [3430]Roy du pays fut faict et dagobert. Vray heritier contraingnit faire pbꝛ̄e. Quoy plus ? dodon / getta de ſon pꝛopꝛe aiſtre. Qui loꝛs eſtoit eueſque de poictiers. Et en ſon lieu auant deux moys entiers. [3435]Feyt dagobert / armer de myttre et croſſe. Puis exilla ce dodon en eſcoce. Dont les francoys / non contentz du faulx tour. Le ſceurent bien payer de ſon retour. Si chault et court / luy donnerent alarmes. [3440]Quil neut loyſir / auoir recours aux armes. Son filz occiz / et luy ſans longs deuys.
§Du roy clotaire.87v Pꝛis et mene / a paris vers clouis. En pꝛiſon foꝛte eut ſi mauuais ſeiours. Quen bꝛief finyt honteuſement ſes iours. [3445]Voy la comment homme a la moꝛt ſe auance. Par le deffault de bon ſens et ſcauance.
Afficher les surlignagesMasquer les surlignagesAfficher les appels de collationsMasquer les appels de collationsAfficher les appels de notesMasquer les appels de notes
§En reprenant ung incident obmys. Du filz Pepin orymouauld sera mys. Comme voulut par fole fantasye. Faire Hildebert son filz roy d'Austrasye. [3410]Dont se trouva à honte et mort submys.
§Chapitre.xxie.e.
Quant ce Pepin le bon et vaillant conte. Fut decedé sygibert faisoit compte. Que Grimouauld son filz devroit tenir. De ses vertuz semblable contenir. [3415]Donq l'extimant comme luy bon homme estre. L'institua du palays chef et maistre. En luy donnant estat et credit tel. Que avoit le pere en son royal hostel. Et qui plus est voulut charge totale.
§Et son filz occis [3420]Luy ordonner et garde principale. De Dagobert son filz en esperer. Que aprés luy deubst regner et prosperer. Mais le faulx traytre uzant de foy mentye. Sa lëaulté rendit tost desmentie. [3425]Car quant il vit que ce roy eut passé. Le paz mortel desir mal compassé. Par le soufflet du fort vent qui attize. Brazier ardant de male convoitise. Tant l'enflemma que son filz Hildebert. [3430]Roy du paÿs fut faict et Dagobert. Vray heritier contraingnit faire prebstre. Quoy plus ? Dodon getta de son propre aistre. Qui lors estoit evesque de Poictiers. Et en son lieu avant deux moys entiers. [3435]Feyt Dagobert armer de myttre et crosse. Puis exilla ce Dodon en escoce. Dont les Françoys non contentz du faulx tour. Le sceurent bien payer de son retour. Si chault et court luy donnerent alarmes. [3440]Qu'il n'eut loysir avoir recours aux armes. Son filz occiz et luy sans longs devys.
§Du roy Clotaire Pris et mené à Paris vers Clovis. En prison forte eut si mauvais sejours. Qu'en brief finyt honteusement ses jours. [3445]Voy là comment homme à la mort se avance. Par le deffault de bon sens et sçavance.

86v

§En reprenant vng incident obmys. Du filz pepin Orymouauld ſera mys. Comme voulut par fole fantaſye. Faire hildebert ſon filz roy Dauſtraſye. [3410]Dont ſe trouua a honte et mort ſubmys.
§Chapitre.xxie.e.
QUant ce pepin le bon et vaillāt conte. Fut decede / Sygibert faiſoit compte. Que grimouauld ſon filz deuroit tenir. De ſes vertuz ſemblable contenir. [3415]Donq lextimant cōme luy bon homme eſtre. Linſtitua du palays chef et maiſtre. En luy donnant eſtat et credit tel. Que auoit le pere en ſon royal hoſtel. Et qui plus eſt voulut charge totale.
§Et ſon filz occis. 87r [3420]Luy oꝛdonner et garde pꝛincipale. De dagobert / ſon filz / en eſperer. Que apꝛes luy deubſt regner et pꝛoſperer. Mais le faulx traytre vzant de foy mentye. Sa leaulte rendit toſt deſmentie. [3425]Car quant il vit que ce roy eut paſſe. Le paz moꝛtel / deſir mal compaſſe. Par le ſoufflet du foꝛt vent / qui attize. Bꝛazier ardant de male conuoitiſe. Tant lenflemma que ſon filz hildebert. [3430]Roy du pays fut faict et dagobert. Vray heritier contraingnit faire pbꝛ̄e. Quoy plus ? dodon / getta de ſon pꝛopꝛe aiſtre. Qui loꝛs eſtoit eueſque de poictiers. Et en ſon lieu auant deux moys entiers. [3435]Feyt dagobert / armer de myttre et croſſe. Puis exilla ce dodon en eſcoce. Dont les francoys / non contentz du faulx tour. Le ſceurent bien payer de ſon retour. Si chault et court / luy donnerent alarmes. [3440]Quil neut loyſir / auoir recours aux armes. Son filz occiz / et luy ſans longs deuys.
§Du roy clotaire.87v Pꝛis et mene / a paris vers clouis. En pꝛiſon foꝛte eut ſi mauuais ſeiours. Quen bꝛief finyt honteuſement ſes iours. [3445]Voy la comment homme a la moꝛt ſe auance. Par le deffault de bon ſens et ſcauance.
Afficher les surlignagesMasquer les surlignagesAfficher les appels de collationsMasquer les appels de collationsAfficher les appels de notesMasquer les appels de notes
§En reprenant ung incident obmys. Du filz Pepin orymouauld sera mys. Comme voulut par fole fantasye. Faire Hildebert son filz roy d'Austrasye. [3410]Dont se trouva à honte et mort submys.
§Chapitre.xxie.e.
Quant ce Pepin le bon et vaillant conte. Fut decedé sygibert faisoit compte. Que Grimouauld son filz devroit tenir. De ses vertuz semblable contenir. [3415]Donq l'extimant comme luy bon homme estre. L'institua du palays chef et maistre. En luy donnant estat et credit tel. Que avoit le pere en son royal hostel. Et qui plus est voulut charge totale.
§Et son filz occis [3420]Luy ordonner et garde principale. De Dagobert son filz en esperer. Que aprés luy deubst regner et prosperer. Mais le faulx traytre uzant de foy mentye. Sa lëaulté rendit tost desmentie. [3425]Car quant il vit que ce roy eut passé. Le paz mortel desir mal compassé. Par le soufflet du fort vent qui attize. Brazier ardant de male convoitise. Tant l'enflemma que son filz Hildebert. [3430]Roy du paÿs fut faict et Dagobert. Vray heritier contraingnit faire prebstre. Quoy plus ? Dodon getta de son propre aistre. Qui lors estoit evesque de Poictiers. Et en son lieu avant deux moys entiers. [3435]Feyt Dagobert armer de myttre et crosse. Puis exilla ce Dodon en escoce. Dont les Françoys non contentz du faulx tour. Le sceurent bien payer de son retour. Si chault et court luy donnerent alarmes. [3440]Qu'il n'eut loysir avoir recours aux armes. Son filz occiz et luy sans longs devys.
§Du roy Clotaire Pris et mené à Paris vers Clovis. En prison forte eut si mauvais sejours. Qu'en brief finyt honteusement ses jours. [3445]Voy là comment homme à la mort se avance. Par le deffault de bon sens et sçavance.