---

---

§Selon que aux faictz de Dagobert contemple, Bien pourrons veoir, pour en faire compte ample, Se de œil ouvert l'escript acompaignons, Que à sainct Denys et ses deux compaignons [1875]Ediffÿa ung magniffique temple.

Chapitre.xi^e.

I

---

---

§L'eglise sainct Denys ediffiee De l'heure et jour que ces deux eurent faict Accord de paix, il porta tel effect Que onques depuis occasïon ne quisrent [1880]D'aucun debat, mais en amour vesquirent, De foy reiglee à ordre d'equité. Lors Dagobert, se voyant acquitté Envers son frere, eut bonne souvenance Du veu qu'il feyt, promesse et convenance [1885]À sainct Denys et ses benoistz consors. À ceste cause, il desploya tresors Telz et si grandz que en bien petit d'espace, Fut faicte eglise en beaulté l'oultrepasse. D'aultres plusieurs, la veue au descouvrir, [1890]Faict de ce preuve. Adonc feyt terre ouvrir, Au propre lieu où les sainctz corps gisoyent, Et là trouva lettres qui divisoient Les dignes noms d'iceulx martyrs tous troys. Et congnoissant les biensfaictz et ottroys [1895]En quoy vers luy furent trés favorables, Par reverendz evesques venerables,

---

§Et translacion des corps sainctz Les feyt lever. Si devez penser que eulx, Honnestement, les myrent aux sercueulx De pur argent, preparez pour l'affaire. [1900]Oultre cela, le roy ordonna faire Une belle arche, en laquelle on voyt que or N'y espargna. Et deslors comme encor Fut grande, elle est, entre aultres spacïeuses, Fort decoree en pierres precïeuses. [1905]Comme l'escript nous fait relatïon, Le jour que on feyt ceste translatïon, De peuple y eut merveilleuse afflüence. Lors, par l'aspect de divine inflüence, Et le merite au benoist sainct Denys, [1910]Là furent faictz miracles infiniz, Aprés bastir ce royal ediffice D'ingenïeux et subtil artiffice, Faire transportz et pures cessïons De revenuz, rentes, possessïons, [1915]Villes, chasteaulx, boys, terres, heritaiges De gros, pesantz et sumptueux coustaiges, Voullant les noms des martyrs, toutes pars, En lieux prochains et loingtains estre espars,

---

§Riche decoration de l'eglise sainct Denys Et que eut fondez solempnelz luminaires, [1920]Payez comptant des deniers ordinaires. Aprés donner excellentz parementz, Bagues, joyaulx, et riches aornementz, Belles croix d'or, de telle orfaverye Que l'œil humain, voyant l'œuvre, y varye, [1925]Et aprés faire au dedans preparer Grans draps de soye affin de tous parer, Pilliers, paroys et arcz d'amples richesses, Et pierrerye à trésgrandes largesses, Oultre et dessus ce qu'estoit au dedans [1930]De ses tresors combles et habondans, Par le dehors, feyt faire couverture De fin argent, selon la quadrature Et propre endroit où les corps precïeux, Furent posez. Moult estoit soucïeux. [1935]De ceste chose. Et pour rien n'y obmettre, Près de l'aultier, ung tronq d'argent feyt mettre, À recevoir les aulmosnes des gentz Qu'il commanda, aux povres indigentz, Estre eslargiz par les mains des ministres. [1940]Du temple sainct, d'aventaige aux registres,

---

§Au dedans et par dehors Se trouve escript que certain or donna, Par chascun an, au tronq. Et ordonna Que ses enffentz et successeurs gardassent D'y faire faulte, et sur tout regardassent [1945]Telz deniers n'estre ailleurs attribuez, Mais sans faillir fussent distribuez À souffreteux pellerins, et enfermes. Son cueur avoit affectïons si fermes Envers les siens patrons et deffenseurs, [1950]Qu'il luy sembloit ne trouver ses faitz seurs, S'il ne faisoit leur saincte eglise bruyre Par grand renom, et sur toutes reluyre. Bien se pensa que cela luy venoit À grand merite, et se ung denier donnoit, [1955]Qu'il en seroit guerdonné à cent doubles. Si saige estoit que pour appaiser troubles Et questïons qu'il vëoit survenir, Tousjours tendoit, par songneux souvenir, Rendre à chascun justice droicturiere, [1960]Sans faire à l'ung, pour faveur ou prïere, Non plus que à l'aultre. Il eut affectïon Telle en ce cas qu'en sa reffectïon,

---

§Des vertuz de Dagobert Souventesfoiz fut veu laisser le boyre Et le manger, doubtant mettre en memoyre [1965]L'occasïon de murmur, par n'avoir, Selon sa charge, assez fait bon devoir Sur cause mise avant et alleguee. Sa renommee à tant fut divulguee, Par la justice ordre et raison de droict [1970]Dont il usa, que de chascun endroict, Turqs, Esclavons et natïons loingtaines, Oyans parler de ses vertuz haultaines, Furent contentz devers luy transporter Leurs questïons, et eulx en rapporter [1975]À son juger, ayans ferme asseurance Plainere attente et fermee esperance, Que Salomon, assëant jugement, N'y proceda jamais plus saigement. Deux conseillers que eut lors portent messaige, [1980]Par eulx, avoir acquis nom d'homme saige. L'ung fut Arnoul, sainct evesque de Metz, L'aultre Pepin. Ces deux n'eussent jamais Esté motifz d'invencïon mauvaise. Je ne croy pas que ung prince s'esmouve ayse

---

§Et des bons et mauvais conseillers [1985]À faire mal, se conseil maling duyt, Par faulx ennort, à cela ne l'induyt. Mais c'est pitié, quant à langue legiere, Il donne escout, si elle est mensongiere. Croyre ne doibt de leger, s'il ne scet [1990]Que le disant saine conscïence ayt. Prince n'a court bien seure, se costé elle Tient conseillers pleins de fraulde et cautelle. Bon conseiller, peult causer beaucoup bien, Et le mauvais du mal on scet combien. [1995]Tout conseiller doibt avoir, quoy qu'il face, Craincte de Dieu tousjours devant sa face, Car en l'ayant, ja ne sera d'aviz Donner faveur aux dampnables deviz, Lesquelz souvent causent en appert mettre [2000]Exactïons que on ne devroit permnettre. De mal conseil vient et deppend ce poinct Qui est doulleur, mais on ne pense point Qu'en impugnant ce que droict destermine, Tout ung paÿs se destruict et termine. [2005]Or eussions nous conseillers telz esleuz, Qu'en aucuns pas de l'escryture ay leuz,

---

§De la bonne justice Gentz de sçavoir ayantz au cueurs empraincte Profondement l'amour de Dieu, et craincte, De zeles telz et desirs plus confictz [2010]Au bien commun que à leurs privez prouffitz, Gentz de foy seure et saine conscïence, En charité plus fondez qu'en scïence, Non couvoiteux, non point ambicïeux, Vindicatifz, non avaricïeux, [2015]Non appetantz si gros dons et sallaires, Dont oppressez, rendent tant poppulaires Que aultres estatz, certes bien est besoing Qu'en soit de bons, consideré le soing Que ont à regir si grande monarchie, [2020]Et tant de biens dont elle est enrichie. Or vueille Dieu à tout si bien pourveoir, Que seure paix en noz jours puissions veoir. C'est à propos de ces deux preudes hommes, Qui Dagobert deschargerent des sommes [2025]Que eut à porter, car ce que on proposoit À despescher sur eulx s'en reposoit, Comme certain, de leur pensee affecte, À chose honneste et licite estre faicte,

---

§Et liberalité de Dagobert Aprés qu'il eut ja par sept ans regné, [2030]Et saigement son peuple gouverné, En toute amour doulceur et courtoisye, Il visita Bourgongne et Austrasye, Et en passant bourgades et citez, Il secouroit en leurs necessitez [2035]Les indigentz, entendoit leurs querelles, Comme des grandz. Et pour vaquer à elles, Souvent perdoit son repoz et repas. Celuy qui fait ung tel tour n'erre pas. Austrasiens et Bourguignons receurent [2040]Fort grand plaisir, quant arriver le sceurent, Voyans que avoit trés fervent appetit Faire justice à grand et à petit. Grace portoit si trés bonne son dire Que à peine sceut jamais homme escondire. [2045]Son bruyt volla, en sorte que l'avons Ja devant dit, jusques aux Esclavons. Lors, par desir de bonne jalousie, Myct tout en ordre au paÿs d' Austrasye, Dont fut trés fort extimé de chascun. [2050]De là partant, passa Chaalons, Austun,

---

§Des femmes que eut Dagobert Langres Auxerre et Sens esperant tendre. Devers Paris. Or nottez pour entendre Que congnoissant, de sa femme, n'avoir Enffentz dont sceust hoir nommer n'avouer, [2055]La delaissa, pour ce que estoit brehaigne. Et print MAthilde à espouse et compaigne, Pensant que d'elle il deust avoir ung filz. Mais autant eut de une que aultre prouffitz, Cueillant le fruict de leurs fleurs püerilles, [2060]Car toutes deux se trouverent sterilles. Pour ce, laissa Mathilde aprés Gertrude, Et en son lict accueillit raguetrude, Jeune pucelle, autant belle que on sceut En place veoir. Laquelle en brief conceut, [2065]Comme verrons aprés, sans riens obmettre. Mais premier vueil, par escript, icy mettre Comme il alla, vers les benoistz corps sainctz, Graces leur rendre en tant que membres sains, Par leur merite avoit faict son voyage, [2070]Et augmentant tribut de seur payaige. Ung lieu nommé Estrepaigny ceda À leur eglise, et deslors conceda

---

§Et de l'octroy qu'il feyt à l'eglise sainct Denys En estre faicte une chartre autentique, Que encor on voyt de lettre et date antique. [2075]Or reprenons aleyne et appetit, Il se fait bon reposer ung petit.

---

---

§Selon que aux faictz de Dagobert contemple, Bien pourrons veoir, pour en faire compte ample, Se de œil ouvert l'escript acompaignons, Que à sainct Denys et ses deux compaignons [1875]Ediffÿa ung magniffique temple.

Chapitre.xi^e.

I

---

---

§L'eglise sainct Denys ediffiee De l'heure et jour que ces deux eurent faict Accord de paix, il porta tel effect Que onques depuis occasïon ne quisrent [1880]D'aucun debat, mais en amour vesquirent, De foy reiglee à ordre d'equité. Lors Dagobert, se voyant acquitté Envers son frere, eut bonne souvenance Du veu qu'il feyt, promesse et convenance [1885]À sainct Denys et ses benoistz consors. À ceste cause, il desploya tresors Telz et si grandz que en bien petit d'espace, Fut faicte eglise en beaulté l'oultrepasse. D'aultres plusieurs, la veue au descouvrir, [1890]Faict de ce preuve. Adonc feyt terre ouvrir, Au propre lieu où les sainctz corps gisoyent, Et là trouva lettres qui divisoient Les dignes noms d'iceulx martyrs tous troys. Et congnoissant les biensfaictz et ottroys [1895]En quoy vers luy furent trés favorables, Par reverendz evesques venerables,

---

§Et translacion des corps sainctz Les feyt lever. Si devez penser que eulx, Honnestement, les myrent aux sercueulx De pur argent, preparez pour l'affaire. [1900]Oultre cela, le roy ordonna faire Une belle arche, en laquelle on voyt que or N'y espargna. Et deslors comme encor Fut grande, elle est, entre aultres spacïeuses, Fort decoree en pierres precïeuses. [1905]Comme l'escript nous fait relatïon, Le jour que on feyt ceste translatïon, De peuple y eut merveilleuse afflüence. Lors, par l'aspect de divine inflüence, Et le merite au benoist sainct Denys, [1910]Là furent faictz miracles infiniz, Aprés bastir ce royal ediffice D'ingenïeux et subtil artiffice, Faire transportz et pures cessïons De revenuz, rentes, possessïons, [1915]Villes, chasteaulx, boys, terres, heritaiges De gros, pesantz et sumptueux coustaiges, Voullant les noms des martyrs, toutes pars, En lieux prochains et loingtains estre espars,

---

§Riche decoration de l'eglise sainct Denys Et que eut fondez solempnelz luminaires, [1920]Payez comptant des deniers ordinaires. Aprés donner excellentz parementz, Bagues, joyaulx, et riches aornementz, Belles croix d'or, de telle orfaverye Que l'œil humain, voyant l'œuvre, y varye, [1925]Et aprés faire au dedans preparer Grans draps de soye affin de tous parer, Pilliers, paroys et arcz d'amples richesses, Et pierrerye à trésgrandes largesses, Oultre et dessus ce qu'estoit au dedans [1930]De ses tresors combles et habondans, Par le dehors, feyt faire couverture De fin argent, selon la quadrature Et propre endroit où les corps precïeux, Furent posez. Moult estoit soucïeux. [1935]De ceste chose. Et pour rien n'y obmettre, Près de l'aultier, ung tronq d'argent feyt mettre, À recevoir les aulmosnes des gentz Qu'il commanda, aux povres indigentz, Estre eslargiz par les mains des ministres. [1940]Du temple sainct, d'aventaige aux registres,

---

§Au dedans et par dehors Se trouve escript que certain or donna, Par chascun an, au tronq. Et ordonna Que ses enffentz et successeurs gardassent D'y faire faulte, et sur tout regardassent [1945]Telz deniers n'estre ailleurs attribuez, Mais sans faillir fussent distribuez À souffreteux pellerins, et enfermes. Son cueur avoit affectïons si fermes Envers les siens patrons et deffenseurs, [1950]Qu'il luy sembloit ne trouver ses faitz seurs, S'il ne faisoit leur saincte eglise bruyre Par grand renom, et sur toutes reluyre. Bien se pensa que cela luy venoit À grand merite, et se ung denier donnoit, [1955]Qu'il en seroit guerdonné à cent doubles. Si saige estoit que pour appaiser troubles Et questïons qu'il vëoit survenir, Tousjours tendoit, par songneux souvenir, Rendre à chascun justice droicturiere, [1960]Sans faire à l'ung, pour faveur ou prïere, Non plus que à l'aultre. Il eut affectïon Telle en ce cas qu'en sa reffectïon,

---

§Des vertuz de Dagobert Souventesfoiz fut veu laisser le boyre Et le manger, doubtant mettre en memoyre [1965]L'occasïon de murmur, par n'avoir, Selon sa charge, assez fait bon devoir Sur cause mise avant et alleguee. Sa renommee à tant fut divulguee, Par la justice ordre et raison de droict [1970]Dont il usa, que de chascun endroict, Turqs, Esclavons et natïons loingtaines, Oyans parler de ses vertuz haultaines, Furent contentz devers luy transporter Leurs questïons, et eulx en rapporter [1975]À son juger, ayans ferme asseurance Plainere attente et fermee esperance, Que Salomon, assëant jugement, N'y proceda jamais plus saigement. Deux conseillers que eut lors portent messaige, [1980]Par eulx, avoir acquis nom d'homme saige. L'ung fut Arnoul, sainct evesque de Metz, L'aultre Pepin. Ces deux n'eussent jamais Esté motifz d'invencïon mauvaise. Je ne croy pas que ung prince s'esmouve ayse

---

§Et des bons et mauvais conseillers [1985]À faire mal, se conseil maling duyt, Par faulx ennort, à cela ne l'induyt. Mais c'est pitié, quant à langue legiere, Il donne escout, si elle est mensongiere. Croyre ne doibt de leger, s'il ne scet [1990]Que le disant saine conscïence ayt. Prince n'a court bien seure, se costé elle Tient conseillers pleins de fraulde et cautelle. Bon conseiller, peult causer beaucoup bien, Et le mauvais du mal on scet combien. [1995]Tout conseiller doibt avoir, quoy qu'il face, Craincte de Dieu tousjours devant sa face, Car en l'ayant, ja ne sera d'aviz Donner faveur aux dampnables deviz, Lesquelz souvent causent en appert mettre [2000]Exactïons que on ne devroit permnettre. De mal conseil vient et deppend ce poinct Qui est doulleur, mais on ne pense point Qu'en impugnant ce que droict destermine, Tout ung paÿs se destruict et termine. [2005]Or eussions nous conseillers telz esleuz, Qu'en aucuns pas de l'escryture ay leuz,

---

§De la bonne justice Gentz de sçavoir ayantz au cueurs empraincte Profondement l'amour de Dieu, et craincte, De zeles telz et desirs plus confictz [2010]Au bien commun que à leurs privez prouffitz, Gentz de foy seure et saine conscïence, En charité plus fondez qu'en scïence, Non couvoiteux, non point ambicïeux, Vindicatifz, non avaricïeux, [2015]Non appetantz si gros dons et sallaires, Dont oppressez, rendent tant poppulaires Que aultres estatz, certes bien est besoing Qu'en soit de bons, consideré le soing Que ont à regir si grande monarchie, [2020]Et tant de biens dont elle est enrichie. Or vueille Dieu à tout si bien pourveoir, Que seure paix en noz jours puissions veoir. C'est à propos de ces deux preudes hommes, Qui Dagobert deschargerent des sommes [2025]Que eut à porter, car ce que on proposoit À despescher sur eulx s'en reposoit, Comme certain, de leur pensee affecte, À chose honneste et licite estre faicte,

---

§Et liberalité de Dagobert Aprés qu'il eut ja par sept ans regné, [2030]Et saigement son peuple gouverné, En toute amour doulceur et courtoisye, Il visita Bourgongne et Austrasye, Et en passant bourgades et citez, Il secouroit en leurs necessitez [2035]Les indigentz, entendoit leurs querelles, Comme des grandz. Et pour vaquer à elles, Souvent perdoit son repoz et repas. Celuy qui fait ung tel tour n'erre pas. Austrasiens et Bourguignons receurent [2040]Fort grand plaisir, quant arriver le sceurent, Voyans que avoit trés fervent appetit Faire justice à grand et à petit. Grace portoit si trés bonne son dire Que à peine sceut jamais homme escondire. [2045]Son bruyt volla, en sorte que l'avons Ja devant dit, jusques aux Esclavons. Lors, par desir de bonne jalousie, Myct tout en ordre au paÿs d' Austrasye, Dont fut trés fort extimé de chascun. [2050]De là partant, passa Chaalons, Austun,

---

§Des femmes que eut Dagobert Langres Auxerre et Sens esperant tendre. Devers Paris. Or nottez pour entendre Que congnoissant, de sa femme, n'avoir Enffentz dont sceust hoir nommer n'avouer, [2055]La delaissa, pour ce que estoit brehaigne. Et print MAthilde à espouse et compaigne, Pensant que d'elle il deust avoir ung filz. Mais autant eut de une que aultre prouffitz, Cueillant le fruict de leurs fleurs püerilles, [2060]Car toutes deux se trouverent sterilles. Pour ce, laissa Mathilde aprés Gertrude, Et en son lict accueillit raguetrude, Jeune pucelle, autant belle que on sceut En place veoir. Laquelle en brief conceut, [2065]Comme verrons aprés, sans riens obmettre. Mais premier vueil, par escript, icy mettre Comme il alla, vers les benoistz corps sainctz, Graces leur rendre en tant que membres sains, Par leur merite avoit faict son voyage, [2070]Et augmentant tribut de seur payaige. Ung lieu nommé Estrepaigny ceda À leur eglise, et deslors conceda

---

§Et de l'octroy qu'il feyt à l'eglise sainct Denys En estre faicte une chartre autentique, Que encor on voyt de lettre et date antique. [2075]Or reprenons aleyne et appetit, Il se fait bon reposer ung petit.