---

---

§S'ensuyt comment fut Clotaire excité Gentz assembler à Troyës la cité, [1600]Comme il voulut à ses barons complaire, En soulageant le menu populaire, Et comme aussi fut à la mort cité.

§Chapitre.ix^e.

Clotaire, ung jour, affin que on l'acompaigne, Manda querir, à Troyes en Champaigne, [1605]Seigneurs, barons et gentz de haultz estatz. Eulx arrivez à grans tourbes et taz, Comme le sens d'ung roy à bien se applicque, Ayant regard à la chose publicque De son royaulme, il voulut regarder [1610]Faire à chascun droicte equité garder. Il feyt plusieurs moult belles ordonnances,

---

§Par Clotaire En la justice et faict de ses finances. Il soulagea peuples d'exactïons, Pesantz travaulx et imposicïons. [1615]Si bien pourveut aux choses necessaires Que aymé des siens et crainct des adversaires Fut fort, tousjours en sorte que on disoit Que saigement par tout se conduysoit. Or, quant il eut ceste besongne faicte, [1620]À demonstrer sa vollunté affecte, Que son royaulme, à proprement parler, Allast ainsi comme devoit aller, Il depria tous ceulx de l'assistence Que, d'ung voulloir et commune sentence, [1625]Voulsissent là demonstrer, par effectz, Lequel d'entr'eulx sçauroit porter le fex De gouverner, ayant soubz luy totale Commissïon et charge principalle De son affaire, et à tant disposer [1630]Qu'il deust sur luy du tout se reposer, Veu qu'il sentoit estre venu en aaige Pour n'avoir plus soucy que du mesnaige. À son parler fut par eulx respondu

---

§Responce faicte à Clotaire Que quant au faict du propos entendu, [1635]Aultre fors luy n'estoit, en leur pensee, Devoir la charge estre ja dispersee, Consideré que ordre par tout mettoit Trés saigement, que tousjours permettoit Regner justice et, par conseil, les doubtes [1640]Faisoit vuider de ses matieres toutes. Aussi luy fut amplement remonstré Que homme en credit se trouve comme oultré De fole gloire et fiere oultrecuidance, Dont mescongnoist l'amÿable accointance [1645]De ses amys, par ce que les honneurs Causent müer condicïons et meurs. Oultre on luy dit que homme ayant charge prise De si grand pois, les aultres tant mesprise, Quant il se voit en telle auctorité, [1650]Qu'il est tout plein de fiere austerité. Et c'est cela qui le perd et convye Plusieurs avoir sur luy mortelle envye. De la response où semblables raisons Sceurent porter en leurs comparaisons, [1655]Fut trés content, et trop plus que s'ilz eussent

---

§Sur sa demande Monstré vouloir que ung gouverneur esleussent. Lors les prïa seure foy luy tenir, Le sien royaulmne et peuple maintenir En seureté, pour partie ennnemye, [1660]Vaincre au moyen de bonne preud'hommye. Cela promys, partirent tous joyeux, Deliberez l'aymer de bien en mieulx. §Peu temps aprés, sa pensee adonnee À equité de loy bien ordonnee, [1665]Selon que aviz le sceut bien informer, Affin de faire abuz tel refformer, Qui de tout temps le monde scandalize, Feyt assembler les prelatz de l'eglise, Pour decerner statutz et mandementz [1670]Extraictz des sainctz divins commandementz, Tendantz à fin de parvenir vers celle Vraye unïon et paix universelle. Or ce concille en conclave sëant, Advint ung caz, l'affaire sursëant. [1675]Ce fut Aygnen, prince de Saxonye, Comme d'oultraige ung homme s'essonye Et en hazard mect sa vie et honneur,

---

Hermaire gouverneur d'Aribert occiz Qui feyt occire Hermaire, gouverneur D'Aribert, filz du roy. Lequel, d'enffence, [1680]Avoit nourry et instruict sans offence. §Cestuy Hermaire estoit homme extimé Et des plus grandz chery et moult aymé, Dont de sa mort, fort plaingte et regrettee, Fut la vengeance en l'instant apprestee. [1685]Sur quoy, Aygnen grosse bende assembla De gentz armez, et assez luy sembla Faire gros bruyt, jusques aux carreaux fendre, Et contre tous vaillamment se deffendre, Veu qu'il estoit vaillant homme tenu [1690]Et de plusieurs grandement soustenu. §La bende aussi, tenant forte querelle De Hermaire mort, se myct sus à par elle, Deliberee, en couraige leger, Tout chauldement l'homicide venger. [1695]Noyse et discord n'eurent la langue mue, Mais bruyrent tant que la court fut esmue Par ung murmur si tresimpetueux Que si ne fust le soustien vertüeux De ce bon roy, à cause de mort telle,

---

§Par Aygnan prince de saxonie [1700]Playe en sortist d'occisïon mortelle. §Par le peril en soy mesmes peser, Sceut ce grand bruyt et tumulte appaiser. Par absenter l'une et aultre partie, La felonnye ainsi fut departie. [1705]Par la doulceur de son grave parler, Sceut le debat odïeux desmesler. Et par la grande astuce de son dire, Fut abatu le furïeux son de yre. Aussi dit on et comme advient souvent, [1710]Petite pluye abat ung bien grand vent. §Aprés avoir ceste noyse appaysee, Et la matiere en avant proposee Dont des prelatz fut statué et fait, Decret portant forme de bon effect, [1715]Concernant vie à tous estatz loysible, Le roy, fort ayse ayant repoz paysible, Ne pensa plus à rien, fors s'esjouÿr, Servir à dieu, les sainctz hommes ouÿr Et honnorer. Lors France estoit nommee [1720]Avoir prelatz de bonne renommee, Non gaudisseurs, hazardeurs, bobanciers,

---

§Commendacion des prelatz Non vicïeux, lubriques, despenciers, Non paresseux vivans de vie immunde, Comme plusieurs qui triumphent au monde, [1725]En train de gentz, chevaulx, chiens et oyseaulx, Aymans trop plus vins puissantz que les eaux. Ceulx n'eurent onq de telz delictz envie, Mais flourissantz en saincteté de vie, Rendirent tous mondains plaisirs absentz. [1730]§Pour lors estoit ung loup pasteur à Sens. Non ravissant ses ouailles en pasture. Mais les paissoit de double nourriture. En ame et corps à Metz Arnoul regnoit. Qui doulcement son peuple gouvernoit. [1735]Aussi du temps fut à Bourges sulpice. Plaisant à Dieu et au monde propice. Puis à Noyon le grand orfevre Eloy. Reigle tenant de saincte foy et loy. Prudent devot et humble en tout negoce. [1740]§En celuy temps vint ,du paÿs d' Escosse, Ung jeune enffent qui Fiacre avoit nom. La saincteté de vie et grant renom, Que du pasteur de Meaulx lors ouÿt faire,

---

§Lors estantz en france Nommé Pharon, affin de satiffaire [1745]À son voulloir, desirant se plÿer. À Dieu servir, causa le supplïer Luy donner lieu pour faire ung hermitaige, Ce que ottroya en son propre heritaige. §Ce fut grand caz, et des plus apparentz, [1750]Laisser paÿs, terre, biens et parentz, Pour mener vie austere et solitaire, En terre estrange. O que ce roy Clotaire Estoit heureux, veoir telz gentz en son temps ! Combien aussi deurent estre contentz, [1755]Ayans ung roy de si trés bonne sorte ! §Comme le peuple à bien faire se assorte, Je croy que Dieu, des princes en seigneur, Induyt le cueur de son roy ou seigneur À le traicter selon qu'il le merite, [1760]Et qu'en servant luy agree ou l'irrite. §Ce vaillant roy, ayant passé le paz Merité bien, que ores ne scelle pas Le digne loz de ses glorïeux gestes, Vertuz, bontez, et emprises honnestes, [1765]Il fut prudent, homme fort bien lettré.

---

§Louanges du roy Clotaire Et au mestier des armes adextré. Comme avons dit devant en ung passaige, Assez au long. Il fut, en ce pas, saige, Que cueur à Dieu eut tousjours fort doubteux [1770]De l'offencer. Il fut doulx et piteux, Il eut estat puissant et magnifique, Tiltre portant de roy bien paciffique. Et comme au vray sont les escriptz monstrans, Le regne tint, par quarante quatre ans, [1775]Du pere sien, desquelz ans regna seize, Monarque seul en la terre françoyse. §En l'an six centz trente et ung, du salut Des crestiens, sepulchre et place esleut Près de Paris au devot monastere. [1780]De Sainct Germain des Prez, ou à mistere, Et grand triumphe, inhumé fut, ainsi Que à roy affiert. Dieu luy face mercy.

---

---

---

---

§S'ensuyt comment fut Clotaire excité Gentz assembler à Troyës la cité, [1600]Comme il voulut à ses barons complaire, En soulageant le menu populaire, Et comme aussi fut à la mort cité.

§Chapitre.ix^e.

Clotaire, ung jour, affin que on l'acompaigne, Manda querir, à Troyes en Champaigne, [1605]Seigneurs, barons et gentz de haultz estatz. Eulx arrivez à grans tourbes et taz, Comme le sens d'ung roy à bien se applicque, Ayant regard à la chose publicque De son royaulme, il voulut regarder [1610]Faire à chascun droicte equité garder. Il feyt plusieurs moult belles ordonnances,

---

§Par Clotaire En la justice et faict de ses finances. Il soulagea peuples d'exactïons, Pesantz travaulx et imposicïons. [1615]Si bien pourveut aux choses necessaires Que aymé des siens et crainct des adversaires Fut fort, tousjours en sorte que on disoit Que saigement par tout se conduysoit. Or, quant il eut ceste besongne faicte, [1620]À demonstrer sa vollunté affecte, Que son royaulme, à proprement parler, Allast ainsi comme devoit aller, Il depria tous ceulx de l'assistence Que, d'ung voulloir et commune sentence, [1625]Voulsissent là demonstrer, par effectz, Lequel d'entr'eulx sçauroit porter le fex De gouverner, ayant soubz luy totale Commissïon et charge principalle De son affaire, et à tant disposer [1630]Qu'il deust sur luy du tout se reposer, Veu qu'il sentoit estre venu en aaige Pour n'avoir plus soucy que du mesnaige. À son parler fut par eulx respondu

---

§Responce faicte à Clotaire Que quant au faict du propos entendu, [1635]Aultre fors luy n'estoit, en leur pensee, Devoir la charge estre ja dispersee, Consideré que ordre par tout mettoit Trés saigement, que tousjours permettoit Regner justice et, par conseil, les doubtes [1640]Faisoit vuider de ses matieres toutes. Aussi luy fut amplement remonstré Que homme en credit se trouve comme oultré De fole gloire et fiere oultrecuidance, Dont mescongnoist l'amÿable accointance [1645]De ses amys, par ce que les honneurs Causent müer condicïons et meurs. Oultre on luy dit que homme ayant charge prise De si grand pois, les aultres tant mesprise, Quant il se voit en telle auctorité, [1650]Qu'il est tout plein de fiere austerité. Et c'est cela qui le perd et convye Plusieurs avoir sur luy mortelle envye. De la response où semblables raisons Sceurent porter en leurs comparaisons, [1655]Fut trés content, et trop plus que s'ilz eussent

---

§Sur sa demande Monstré vouloir que ung gouverneur esleussent. Lors les prïa seure foy luy tenir, Le sien royaulmne et peuple maintenir En seureté, pour partie ennnemye, [1660]Vaincre au moyen de bonne preud'hommye. Cela promys, partirent tous joyeux, Deliberez l'aymer de bien en mieulx. §Peu temps aprés, sa pensee adonnee À equité de loy bien ordonnee, [1665]Selon que aviz le sceut bien informer, Affin de faire abuz tel refformer, Qui de tout temps le monde scandalize, Feyt assembler les prelatz de l'eglise, Pour decerner statutz et mandementz [1670]Extraictz des sainctz divins commandementz, Tendantz à fin de parvenir vers celle Vraye unïon et paix universelle. Or ce concille en conclave sëant, Advint ung caz, l'affaire sursëant. [1675]Ce fut Aygnen, prince de Saxonye, Comme d'oultraige ung homme s'essonye Et en hazard mect sa vie et honneur,

---

Hermaire gouverneur d'Aribert occiz Qui feyt occire Hermaire, gouverneur D'Aribert, filz du roy. Lequel, d'enffence, [1680]Avoit nourry et instruict sans offence. §Cestuy Hermaire estoit homme extimé Et des plus grandz chery et moult aymé, Dont de sa mort, fort plaingte et regrettee, Fut la vengeance en l'instant apprestee. [1685]Sur quoy, Aygnen grosse bende assembla De gentz armez, et assez luy sembla Faire gros bruyt, jusques aux carreaux fendre, Et contre tous vaillamment se deffendre, Veu qu'il estoit vaillant homme tenu [1690]Et de plusieurs grandement soustenu. §La bende aussi, tenant forte querelle De Hermaire mort, se myct sus à par elle, Deliberee, en couraige leger, Tout chauldement l'homicide venger. [1695]Noyse et discord n'eurent la langue mue, Mais bruyrent tant que la court fut esmue Par ung murmur si tresimpetueux Que si ne fust le soustien vertüeux De ce bon roy, à cause de mort telle,

---

§Par Aygnan prince de saxonie [1700]Playe en sortist d'occisïon mortelle. §Par le peril en soy mesmes peser, Sceut ce grand bruyt et tumulte appaiser. Par absenter l'une et aultre partie, La felonnye ainsi fut departie. [1705]Par la doulceur de son grave parler, Sceut le debat odïeux desmesler. Et par la grande astuce de son dire, Fut abatu le furïeux son de yre. Aussi dit on et comme advient souvent, [1710]Petite pluye abat ung bien grand vent. §Aprés avoir ceste noyse appaysee, Et la matiere en avant proposee Dont des prelatz fut statué et fait, Decret portant forme de bon effect, [1715]Concernant vie à tous estatz loysible, Le roy, fort ayse ayant repoz paysible, Ne pensa plus à rien, fors s'esjouÿr, Servir à dieu, les sainctz hommes ouÿr Et honnorer. Lors France estoit nommee [1720]Avoir prelatz de bonne renommee, Non gaudisseurs, hazardeurs, bobanciers,

---

§Commendacion des prelatz Non vicïeux, lubriques, despenciers, Non paresseux vivans de vie immunde, Comme plusieurs qui triumphent au monde, [1725]En train de gentz, chevaulx, chiens et oyseaulx, Aymans trop plus vins puissantz que les eaux. Ceulx n'eurent onq de telz delictz envie, Mais flourissantz en saincteté de vie, Rendirent tous mondains plaisirs absentz. [1730]§Pour lors estoit ung loup pasteur à Sens. Non ravissant ses ouailles en pasture. Mais les paissoit de double nourriture. En ame et corps à Metz Arnoul regnoit. Qui doulcement son peuple gouvernoit. [1735]Aussi du temps fut à Bourges sulpice. Plaisant à Dieu et au monde propice. Puis à Noyon le grand orfevre Eloy. Reigle tenant de saincte foy et loy. Prudent devot et humble en tout negoce. [1740]§En celuy temps vint ,du paÿs d' Escosse, Ung jeune enffent qui Fiacre avoit nom. La saincteté de vie et grant renom, Que du pasteur de Meaulx lors ouÿt faire,

---

§Lors estantz en france Nommé Pharon, affin de satiffaire [1745]À son voulloir, desirant se plÿer. À Dieu servir, causa le supplïer Luy donner lieu pour faire ung hermitaige, Ce que ottroya en son propre heritaige. §Ce fut grand caz, et des plus apparentz, [1750]Laisser paÿs, terre, biens et parentz, Pour mener vie austere et solitaire, En terre estrange. O que ce roy Clotaire Estoit heureux, veoir telz gentz en son temps ! Combien aussi deurent estre contentz, [1755]Ayans ung roy de si trés bonne sorte ! §Comme le peuple à bien faire se assorte, Je croy que Dieu, des princes en seigneur, Induyt le cueur de son roy ou seigneur À le traicter selon qu'il le merite, [1760]Et qu'en servant luy agree ou l'irrite. §Ce vaillant roy, ayant passé le paz Merité bien, que ores ne scelle pas Le digne loz de ses glorïeux gestes, Vertuz, bontez, et emprises honnestes, [1765]Il fut prudent, homme fort bien lettré.

---

§Louanges du roy Clotaire Et au mestier des armes adextré. Comme avons dit devant en ung passaige, Assez au long. Il fut, en ce pas, saige, Que cueur à Dieu eut tousjours fort doubteux [1770]De l'offencer. Il fut doulx et piteux, Il eut estat puissant et magnifique, Tiltre portant de roy bien paciffique. Et comme au vray sont les escriptz monstrans, Le regne tint, par quarante quatre ans, [1775]Du pere sien, desquelz ans regna seize, Monarque seul en la terre françoyse. §En l'an six centz trente et ung, du salut Des crestiens, sepulchre et place esleut Près de Paris au devot monastere. [1780]De Sainct Germain des Prez, ou à mistere, Et grand triumphe, inhumé fut, ainsi Que à roy affiert. Dieu luy face mercy.

---

---